ಶಕ್ತಿವರ್ಧಕ ಪೇಯಗಳಿಂದ ಬೊಜ್ಜು!

ಸೋಮವಾರ, ಜೂಲೈ 15, 2019
25 °C

ಶಕ್ತಿವರ್ಧಕ ಪೇಯಗಳಿಂದ ಬೊಜ್ಜು!

Published:
Updated:

ಲಂಡನ್ (ಪಿಟಿಐ) : ನಿಮ್ಮ ಮಕ್ಕಳಿಗೆ ಶಕ್ತಿ ಹೆಚ್ಚಾಗಲೆಂದು `ಶಕ್ತಿ ವರ್ಧಕ ಪೇಯಗಳನ್ನು~ ಕುಡಿಯಲು ಸಲಹೆ ನೀಡುತ್ತಿದ್ದೀರಾ ? ಹೌದಾದರೆ, ಒಮ್ಮೆ ಈ ಮಾಹಿತಿ ಓದಿ, ನಂತರ ನಿರ್ಧರಿಸಿ ! 



ನಿಜ, ಅಧಿಕ ಶಕ್ತಿಗಾಗಿ ಕ್ರೀಡಾಪಟುಗಳು ಕುಡಿಯುವ `ಶಕ್ತಿ ವರ್ಧಕ ಪೇಯ~ಗಳಿಂದ ದೇಹದ ಶಕ್ತಿ ಹೆಚ್ಚುವ ಜತೆಗೆ ಸ್ಥೂಲಕಾಯರನ್ನಾಗಿ ಮಾಡುತ್ತದೆ ಎಂದು ಸಂಶೋಧನೆಯೊಂದು ಹೇಳಿದೆ.



ಉತ್ಪನ್ನಗಳ ವಿಶ್ಲೇಷಣೆ : ಕ್ರೀಡಾಪಟುಗಳು ಕುಡಿಯುವ ಶಕ್ತಿವರ್ಧಕ ಪೇಯಗಳ ಕುರಿತು ಸಂಶೋಧನೆ ನಡೆಸಿರುವ ಆಕ್ಸ್‌ಫರ್ಡ್ ವಿಶ್ವ ವಿದ್ಯಾಲಯದ ಸಂಶೋಧಕರು, `ಇಂಥ ಪೇಯಗಳನ್ನು ಕುಡಿಯುವುದರಿಂದ ತೂಕ ಕೂಡ ಹೆಚ್ಚಾಗುತ್ತದೆ~ ಎಂದು ಹೇಳಿದ್ದಾರೆ.



ಬ್ರಿಟಿಷ್ ವೈದ್ಯಕೀಯ ನಿಯತಕಾಲಿಕೆಯಲ್ಲಿ ಪ್ರಕಟವಾಗಿರುವ ಈ ವಿಷಯದ ಅಧ್ಯಯನದಲ್ಲಿ 431 ಉತ್ಪನ್ನಗಳನ್ನು ವಿಶ್ಲೇಷಿಸಲಾಗಿದೆ. ಇವುಗಳಲ್ಲಿ ಶಕ್ತಿವರ್ಧಕ ಪೇಯ ಹಾಗೂ ಪ್ರೋಟಿನ್ ಶೇಕ್ಸ್ ಸೇರಿದಂತೆ 104 ವಿವಿಧ ಉತ್ಪನ್ನಗಳಿಂದ ವ್ಯತಿರಿಕ್ತ ಪರಿಣಾಮ ಬೀರುವುದನ್ನು ಪತ್ತೆ ಹಚ್ಚಲಾಗಿದೆ.



ಸ್ಥೂಲಕಾಯ ಹೆಚ್ಚಿಸುವ ಆತಂಕ : ವ್ಯತಿರಿಕ್ತ ಪರಿಣಾಮ ಬೀರುವ ಪೇಯಗಳ ಕುರಿತು ಸಮರ್ಪಕ ಸಾಕ್ಷ್ಯಾಧಾರಗಳು ಲಭ್ಯವಾಗದಿದ್ದಾಗ ಸಂಶೋಧಕರು ಮಾಹಿತಿಗಾಗಿ ಪೇಯ ತಯಾರಿಕಾ ಕಂಪೆನಿಗಳ ಮೊರೆ ಹೋಗಿದ್ದಾರೆ. ಆ ಒಟ್ಟು ಕಂಪೆನಿಗಳಲ್ಲಿ  ಶೇ 2.7 ರಷ್ಟು ಕಂಪೆನಿಗಳು ಮಾತ್ರ ತಾವು ಗುಣಮಟ್ಟದ ಉತ್ಪನ್ನಗಳನ್ನು ಪೂರೈಸುತ್ತಿದ್ದೇವೆಂದು ದೃಢಪಡಿಸಿವೆ !



`ಪ್ರಚಾರದಿಂದಾಗಿ ಶಕ್ತಿವರ್ಧಕ ಪೇಯಗಳು ಅತ್ಯಂತ ಜನಪ್ರಿಯವಾಗಿವೆ. ಈ ಪೇಯಗಳಿಗೆ ಮಕ್ಕಳು ಆಕರ್ಷಿತರಾಗಿದ್ದಾರೆ. ಆದರೆ ಇವು ಮಕ್ಕಳಲ್ಲಿ ಸ್ಥೂಲಕಾಯ ಪ್ರಮಾಣ ಹೆಚ್ಚಲು ನೆರವಾಗುತ್ತವೆ ಎಂಬುದೇ ಕಳವಳಕಾರಿ ಸಂಗತಿ~ ಎಂದು ಸಂಶೋಧಕರು ಹೇಳಿದ್ದಾರೆ.



 `ಶಕ್ತಿವರ್ಧಕ ಪೇಯಗಳಿಂದ ದೂರ ಉಳಿದಿರುವ ಸಾಮಾನ್ಯ ಓಟಗಾರರು ಒಲಿಂಪಿಕ್ ಅಥ್ಲೆಟ್‌ಗಳಾಗಿ ಬದಲಾಗಿದ್ದಾರೆ. ಈ ಪೇಯಗಳನ್ನು ನಿಲ್ಲಿಸಿದರೆ ಕ್ರೀಡಾಪಟುಗಳು ತೆಳ್ಳಗಾಗುತ್ತಾರೆ. ಮಾತ್ರವಲ್ಲ, ಓಟದ ವೇಗವೂ ಹೆಚ್ಚುತ್ತದೆ~ ಎಂದು ಕೇಪ್‌ಟೌನ್ ವಿಶ್ವವಿದ್ಯಾಲಯದ ಪ್ರೊ. ಟಿಮ್ ನೋವಾಕೆಸ್ ಅಭಿಪ್ರಾಯಪಟ್ಟಿದ್ದಾರೆ.



ತಂಪು ಪಾನೀಯ ಕಂಪೆನಿಯೊಂದು ಸಂಶೋಧಕರ ಈ ವಾದವನ್ನು ಅಲ್ಲಗಳೆದಿದ್ದು, `ಯಾವುದೇ ಒಂದು ಆಹಾರ ಅಥವಾ ಪಾನೀಯಾದಿಂದ ಮನುಷ್ಯ ಸ್ಥೂಲಕಾಯನಾಗುತ್ತಾನೆಂದು ಹೇಳಲು ಸಾಧ್ಯವಿಲ್ಲ. ಯಾವುದೇ ಆಹಾರವನ್ನು ಸಮತೋಲನವಾಗಿ ಸೇವಿಸಿದರೆ, ದೇಹಕ್ಕೆ ಸೇರಿಸುವ ಕ್ಯಾಲೊರಿಗಿಂತ ಹೆಚ್ಚು ಕ್ಯಾಲೊರಿಗಳನ್ನು ಕರಗಿಸಿದರೆ ಸಾಕು~ ಎಂದು ಹೇಳಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry