ಶುಕ್ರವಾರ, 28-10-1961

ಹೆಚ್ಚು ತಾಂತ್ರಿಕ ನೆರವು, ಖಾಸಗಿ ಬಂಡವಾಳ

ನವದೆಹಲಿ, ಅ. 27- ಅಮೆರಿಕದ ಹಿರಿಯ ಕೈಗಾರಿಕೋದ್ಯಮಗಳು ನಿನ್ನೆ ಪ್ರಧಾನಿ ನೆಹರೂ ಅವರೊಡನೆ 90 ನಿಮಿಷಗಳ ಕಾಲ ಮಾತುಕತೆ ನಡೆಸಿದರು. ಅಲ್ಲಿಗೆ ಈ ಕೈಗಾರಿಕೋದ್ಯಮಿಗಳು ಭಾರತಕ್ಕೆ ಯಾವ ಉದ್ದೇಶದಿಂದ ಬಂದಿದ್ದರೋ ಆ ಕಾರ್ಯ ಮುಗಿದಂತಾಯಿತು.



ಈ ಮಾತುಕತೆಯಿಂದ ಅಮೆರಿಕದ ವಾಣಿಜ್ಯೋದ್ಯಮಿಗಳಿಗೆ `ಬಹು ಸಂತೋಷ~ ವಾಯಿತೆಂದೂ ಮಾತುಕತೆ ನಡೆದಾಗಿನ ವಾತಾವರಣ ಸೊಗಸಾಗಿತ್ತೆಂದು ಈ ಕೈಗಾರಿಕೋದ್ಯಮಿಗಳ ವಕ್ತಾರರು ತಿಳಿಸಿದರು.

ಘಟಪ್ರಭಾದಿಂದ 53000 ಎಕರೆಗೆ ನೀರು

ನವದೆಹಲಿ, ಅ. 27- ನಿರ್ಮಾಣ ವಾಗುತ್ತಿರುವ ಘಟಪ್ರಭಾ ಅಣೆಕಟ್ಟು ಯೋಜನೆಯಿಂದ ದ್ವಿತೀಯ ಯೋಜನೆಯ ಅಂತ್ಯದ ವೇಳೆಗೆ ಮೈಸೂರಿನ 53000 ಎಕರೆ ಜಮೀನಿಗೆ ನೀರೊದಗಿಸಲಾಯಿತೆಂದು ಅಧಿಕೃತ ಪ್ರಕಟಣೆ ತಿಳಿಸಿದೆ. ಘಟಪ್ರಭಾ ಕಣಿವೆ ಪ್ರದೇಶದ ಅಭಿವೃದ್ಧಿ ಗುರಿಯುಳ್ಳ ಈ ಯೋಜನೆ ಮೊದಲ ಹಂತದ ಕಾರ್ಯ 44 ಮೈಲಿ ಉದ್ದದ ಎಡಭಾಗದ ನಾಲೆ ನಿರ್ಮಾಣವನ್ನೊಳಗೊಂಡಿತ್ತು.