ಬುಧವಾರ, ಜೂನ್ 16, 2021
23 °C

ಶೇಂಗಾ ಬೆಲೆ ದಿಢೀರ್‌ ಕುಸಿತ: ರೈತ ಕಂಗಾಲು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಶಹಾಪುರ: ತಾಲ್ಲೂಕಿನಿಂದ ವಿವಿಧ ಗ್ರಾಮಗಳಿಂದ ಶೇಂಗಾವನ್ನು ಮಾರಾಟ ಮಾಡಲು ಸೋಮವಾರ ಎಪಿಎಂಸಿ ಮಾರುಕಟ್ಟೆಗೆ ತಂದಾಗ ರೈತರಿಗೆ ಅಘಾತ ಕಾದಿತ್ತು. ಶೇಂಗಾ­ವನ್ನು ಕೇವಲ ₨1800 ಖರೀದಿಸಲು ವ್ಯಾಪಾರಸ್ಥರು ಮುಂದಾದಾಗ ರೈತರು ಪ್ರತಿಭಟನೆಗೆ ಇಳಿದರು.



ಪ್ರಾಂಗಣಕ್ಕೆ ಸಾಕಷ್ಟು ಶೇಂಗಾ ಬಂದರೂ ಸಹ ವ್ಯಾಪಾರಸ್ಥರು ಆವಕ ಕಡಿಮೆ ತೋರಿಸಿ ಎಪಿಎಂಸಿಗೆ ಮೋಸ ಮಾಡುವುದರ ಜೊತೆಯಲ್ಲಿ ಕೃತಕ ಬೆಲೆ ಕುಸಿತವನ್ನು ಉಂಟು ಮಾಡಿ­ದ್ದಾರೆ. ಅನಾವಶ್ಯಕವಾಗಿ ಬೆಲೆ ಕುಸಿ­ತಕ್ಕೆ ವ್ಯಾಪಾರಸ್ಥರು ನೇರ ಹೊಣೆ­ಯಾಗಿದ್ದಾರೆ ಎಂದು ಪ್ರಾಂತ ರೈತ ಸಂಘದ ಮುಖಂಡರು ಆರೋಪಿಸಿದರು.



ಸರ್ಕಾರ ಮಧ್ಯೆ ಪ್ರವೇಶ ಮಾಡಿ ತಕ್ಷಣ ಬೆಂಬಲ ಬೆಲೆ ನೀಡಿ ರೈತರನ್ನು ಸಂಕಷ್ಟದಿಂದ ಪಾರು ಮಾಡಬೇಕು. ಇ.ಟೆಂಡರ್ ಕರೆಯಬೇಕು. ವ್ಯಾಪಾ­ರಸ್ಥ ಪ್ರತಿನಿಧಿ ಮಗನಲಾಲ್‌ ಅವರು ಕೃತಕ ಬೆಲೆ ಕುಸಿತಕ್ಕೆ ಹೊಣೆಯಾ­ಗಿದ್ದು, ತಕ್ಷಣ ಅವರ ಸದಸ್ಯತ್ವ ಹಾಗೂ ಪರವಾನಿಗೆ ರದ್ದುಪಡಿಸಬೇಕು ಎಂದು ರೈತ ಮುಖಂಡ ದಾವಲಸಾಬ್ ನದಾಫ್‌ ಆಗ್ರಹಿಸಿದರು.



ಮಲ್ಲಣ್ಣಗೌಡ ಮಾಲಿಪಾಟೀಲ್‌, ಜೈಲಾಲ ತೋಟದಮನೆ, ನಿಂಗಪ್ಪ ಬೋನಾಳ, ಮಹಿಬೂಬು ಇದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.