ಶ್ರೀಲಂಕಾ ವಾಯುಪಡೆ ಸಿಬ್ಬಂದಿ ತರಬೇತಿ ತಡೆಯಲು ನಿರಾಕರಿಸಿದ ಸುಪ್ರೀಂ

7

ಶ್ರೀಲಂಕಾ ವಾಯುಪಡೆ ಸಿಬ್ಬಂದಿ ತರಬೇತಿ ತಡೆಯಲು ನಿರಾಕರಿಸಿದ ಸುಪ್ರೀಂ

Published:
Updated:

ನವದೆಹಲಿ (ಪಿಟಿಐ): ಕೇಂದ್ರ ರಕ್ಷಣಾ ಇಲಾಖೆಯಿಂದ ಶ್ರೀಲಂಕಾ ವಾಯುಪಡೆ ಸಿಬ್ಬಂದಿಗೆ ತರಬೇತಿ ನೀಡುತ್ತಿರುವುದನ್ನು ತಡೆಯಲು ಸೋಮವಾರ ನಿರಾಕರಿಸಿರುವ ಸುಪ್ರೀಂ ಕೋರ್ಟ್ ತರಬೇತಿ ನೀಡುವುದು ಸರ್ಕಾರದ ವಿವೇಚನೆಗೆ ಬಿಟ್ಟದ್ದಾದ್ದರಿಂದ ತಾನು ಈ ವಿಷಯದಲ್ಲಿ ಮಧ್ಯ ಪ್ರವೇಶಿಸಲಾರೆ ಎಂದು ಹೇಳಿದೆ.



ಶ್ರೀಲಂಕಾ ಯೋಧರಿಗೆ ಕೇಂದ್ರ ರಕ್ಷಣಾ ಇಲಾಖೆಯಿಂದ ನೀಡುತ್ತಿರುವ ತರಬೇತಿಯನ್ನು ತಡೆಹಿಡಿಯಬೇಕೆಂದು ಕೋರಿ ಎನ್.ರಾಜಾ ರಾಮನ್ ಎಂಬುವವರು ಸಲ್ಲಿಸಲಾದ ಅರ್ಜಿ ವಿಚಾರಣೆಯನ್ನು ಕೈಗೆತ್ತಿಕೊಂಡ ನ್ಯಾಯಮೂರ್ತಿ ಆಫ್ತಾಬ್ ಆಲಂ ನೇತೃತ್ವದ ನ್ಯಾಯಪೀಠವು ಅರ್ಜಿಯು `ತಪ್ಪು ಗ್ರಹಿಕೆ~ಯಿಂದ ಕೂಡಿದೆ ಎಂದು ಹೇಳಿ ವಜಾಗೊಳಿಸಿತು.



ಕರ್ನಾಟಕದ ವಾಯುಪಡೆ ತರಬೇತಿ ಕೇಂದ್ರವೊಂದರಲ್ಲಿ ಶ್ರೀಲಂಕಾ ವಾಯುಪಡೆಗೆ ಸೇರಿದ 9 ಅಧಿಕಾರಿಗಳಿಗೆ ತರಬೇತಿ ನೀಡುತ್ತಿರುವುದನ್ನು ವಿರೋಧಿಸಿ ಸಾರ್ವಜನಿಕ ಹೋರಾಟ ನಡೆಸಿದ್ದ ರಾಜಾ ರಾಮನ್ ಅವರು ತರಬೇತಿಗೆ ತಡೆಯಲು ಸುಪ್ರೀಂ ಕೋರ್ಟ್ ಮೊರೆ ಹೋಗಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry