ಸಂಕ್ಷಿಪ್ತ ಸುದ್ದಿಗಳು

7

ಸಂಕ್ಷಿಪ್ತ ಸುದ್ದಿಗಳು

Published:
Updated:

ಮಾನವ ರಹಿತ ವಿಮಾನ ಅಪಘಾತ

ನವದೆಹಲಿ (ಪಿಟಿಐ): ನೌಕಾಪಡೆಗೆ ಸೇರಿದ ಮಾನವ ರಹಿತ ವಿಮಾನ (ಯುಎವಿ) ವಿಶಾಖಪಟ್ಟಣಂ ಸಮೀಪ ಗುರುವಾರ ಅಪಘಾತಕ್ಕೆ ಈಡಾಗಿದೆ.



`ಸರ್ಚರ್ ಎಂ.ಕೆ-2 ಯುಎವಿ~ ಹೆಸರಿನ ಈ ವಿಮಾನವು ಅಭ್ಯಾಸ ಮುಗಿಸಿ ನೆಲೆಗೆ ಹಿಂತಿರುಗುತ್ತಿದ್ದ ವೇಳೆ ಬೆಟ್ಟ ಪ್ರದೇಶದಲ್ಲಿ ಈ ದುರ್ಘಟನೆ ಸಂಭವಿಸಿದೆ ಎಂದು ನೌಕಾಪಡೆಯ ಅಧಿಕಾರಿಗಳು ತಿಳಿಸಿದ್ದಾರೆ.



ಕಣ್ಗಾವಲು, ಆಯಕಟ್ಟಿನ ನೆಲೆಗಳ ಪತ್ತೆ, ಹಾನಿ ಅಂದಾಜು, ಕಾರ್ಯಾಚರಣೆ ಸೇರಿದಂತೆ ಹಲವು ಕಾರ್ಯಕ್ಕೆ ಇದನ್ನು ಬಳಸಿಕೊಳ್ಳಲಾಗುತ್ತಿತ್ತು.



`ಘಟನೆಯಲ್ಲಿ ಯಾವುದೇ ಜೀವ ಅಥವಾ ಆಸ್ತಿ ಹಾನಿಯಾಗಿಲ್ಲ. ತನಿಖೆಗೆ ಆದೇಶಿಸಲಾಗಿದೆ~ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.



ಆಂಧ್ರ ಸರ್ಕಾರಿ ವೆಬ್‌ಸೈಟ್‌ಗಳ ಮೇಲೆ ದಾಳಿ

ಹೈದರಾಬಾದ್: ಆಂಧ್ರ ಪ್ರದೇಶದ ಬಜೆಟ್ ಮಂಡನೆಗೆ ಕೇವಲ ಒಂದು ದಿನ ಬಾಕಿ ಇರುವಾಗ ದುಷ್ಕರ್ಮಿಗಳು ಸರ್ಕಾರದ 21 ವೆಬ್‌ಸೈಟ್‌ಗಳ ಮೇಲೆ ದಾಳಿ ನಡೆಸಿ ಹಾಳುಗೆಡವಿರುವ ಘಟನೆ ನಡೆದಿದೆ.



ಈ ದಾಳಿಯು ಅಧಿಕಾರಿ ವಲಯದಲ್ಲಿ ಆತಂಕ ಮೂಡಿಸಿದೆ. ಆದರೆ, ಘಟನೆಯಿಂದ ಬಜೆಟ್‌ಗೆ ಸಂಬಂಧಿಸಿದ ಮಾಹಿತಿ ಸೋರಿಕೆಯಾಗಿಲ್ಲ ಎಂದು ಮೂಲಗಳು ತಿಳಿಸಿವೆ.



ಎನ್‌ಆರ್‌ಎಚ್‌ಎಂ: ಮತ್ತೊಬ್ಬನ ನಿಗೂಢ ಸಾವು

ಲಖೀಮ್‌ಪುರ ಖೇರಿ (ನವದೆಹಲಿ) (ಪಿಟಿಐ): ಉತ್ತರ ಪ್ರದೇಶದ ರಾಷ್ಟ್ರೀಯ ಗ್ರಾಮೀಣ ಆರೋಗ್ಯ ಮಿಷನ್ ಹಗರಣಕ್ಕೆ (ಎನ್‌ಆರ್‌ಎಚ್‌ಎಂ) ಸಂಬಂಧಿಸಿದಂತೆ ಆರೋಗ್ಯ ಇಲಾಖೆಯ ನೌಕರರೊಬ್ಬರು ನಿಗೂಢವಾಗಿ ಸಾವಿಗೀಡಾಗಿದ್ದಾರೆ.



ಇದರಿಂದ, ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಳೆದ ಒಂದು ವರ್ಷದಲ್ಲಿ ಐವರು ವ್ಯಕ್ತಿಗಳು ಶಂಕಾಸ್ಪದವಾಗಿ ಸಾವಿಗೀಡಾದಂತಾಗಿದೆ. ಇತ್ತೀಚೆಗೆ ನಾಪತ್ತೆಯಾಗಿದ್ದ ಆರೋಗ್ಯ ಇಲಾಖೆಯ ಲೆಕ್ಕಾಧಿಕಾರಿ ಮಹೇಂದ್ರ ಶರ್ಮ ಅವರ ಮೃತದೇಹ ಗಂಭೀರ ಗಾಯಗಳೊಂದಿಗೆ ಆರೋಗ್ಯ ಕೇಂದ್ರವೊಂದರ ವ್ಯಾಪ್ತಿಯಲ್ಲಿ ಪತ್ತೆಯಾಗಿದೆ.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry