ಸಮುದ್ರದಲ್ಲಿ ಇಳಿದ ಪ್ರಯಾಣಿಕ ವಿಮಾನ

7

ಸಮುದ್ರದಲ್ಲಿ ಇಳಿದ ಪ್ರಯಾಣಿಕ ವಿಮಾನ

Published:
Updated:
ಸಮುದ್ರದಲ್ಲಿ ಇಳಿದ ಪ್ರಯಾಣಿಕ ವಿಮಾನ

ದೆನ್‌ಪಾಸರ್ (ಇಂಡೊನೇಷ್ಯಾ)   (ಎಎಫ್‌ಪಿ):  ವಿಮಾನವೊಂದು ರನ್‌ವೇ ಬದಲು ಸೀದಾ ಸಮುದ್ರದಲ್ಲಿ ಇಳಿದರೂ, ಅದರಲ್ಲಿದ್ದ ನೂರಕ್ಕೂ ಹೆಚ್ಚು ಪ್ರಯಾಣಿಕರು ಮಾತ್ರ ಪವಾಡಸದೃಶ ರೀತಿಯಲ್ಲಿ ಪ್ರಾಣಾಪಾಯದಿಂದ ಪಾರಾದರು. ಈ ಘಟನೆ ನಡೆದದ್ದು ಶನಿವಾರ ಇಂಡೊನೇಷ್ಯಾದ ಬಾಲಿಯ ದೆನ್‌ಪಾಸರ್‌ನಲ್ಲಿ.



ದೆನ್‌ಪಾಸರ್ ನಿಲ್ದಾಣದಲ್ಲಿ ಇಳಿಯಬೇಕಿದ್ದ `ಲಯನ್ ಏರ್' ಸಂಸ್ಥೆಯ ವಿಮಾನ, ರನ್ ವೇ ಬದಲು ಸೀದಾ ಸಮುದ್ರದತ್ತ ನುಗ್ಗಿ ಭಾಗಶಃ ಮುಳುಗಿತು. ಈ ಆಘಾತಕ್ಕೆ ವಿಮಾನದ ಮಧ್ಯ ಭಾಗ ಸೀಳು ಬಿಟ್ಟಿತು. ಅದರಲ್ಲಿ ಏಳು ಚಾಲಕ ಸಿಬ್ಬಂದಿ ಮತ್ತು 101 ಪ್ರಯಾಣಿಕರಿದ್ದರು. 45 ಮಂದಿಗೆ ಸಣ್ಣಪುಟ್ಟ ಗಾಯಗಳಾಗಿವೆ' ಎಂದು ಸಾರಿಗೆ ಸಚಿವಾಲಯದ ಅಧಿಕಾರಿ ಹ್ಯಾರಿ ಭಕ್ತಿ ತಿಳಿಸಿದ್ದಾರೆ.



ಈ ವಿಮಾನವು ಪಶ್ಚಿಮ ಜಾವಾದ ಬಂದುಂಗ್‌ನಿಂದ ಬಾಲಿಗೆ ಬರುತ್ತಿತ್ತು. ವಿಮಾನ ಇಳಿಯುವಾಗ ಮೋಡ ಕವಿದ ವಾತಾವರಣ ಇದ್ದು, ತುಂತುರು ಮಳೆಯಾಗುತ್ತಿತ್ತು ಎಂದೂ ತಿಳಿಸಿದ್ದಾರೆ.



ದುರ್ಘಟನೆಯಿಂದ ಕಂಗಾಲಾದ ಪ್ರಯಾಣಿಕರು ಜೀವರಕ್ಷಕ ಕವಚಗಳನ್ನು ತೊಟ್ಟು ಸುರಕ್ಷಿತವಾಗಿ ದಡಕ್ಕೆ ಬಂದರು. `ರನ್ ವೇಗೆ ಬರುತ್ತಿದ್ದ ವಿಮಾನ ಇದ್ದಕ್ಕಿದ್ದಂತೆ ಸಮುದ್ರದಲ್ಲಿ ಬಿತ್ತು. ಭಯಭೀತರಾದ ನಾವೆಲ್ಲರೂ ಜೋರಾಗಿ ಚೀರಿಕೊಂಡೆವು' ಎಂದು ಪ್ರಯಾಣಿಕರೊಬ್ಬರು ಹೇಳಿದ್ದಾರೆ.



  ಈ ವಿಮಾನ 2012ರಿಂದ ಸೇವೆಯಲ್ಲಿತ್ತು ಎಂದು ಸಂಸ್ಥೆಯ ವಕ್ತಾರರು ತಿಳಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry