ಸರ್ಕಾರದಿಂದ ದಿನಗೂಲಿ ನೌಕರರ ಕಾಯಮಾತಿ

3

ಸರ್ಕಾರದಿಂದ ದಿನಗೂಲಿ ನೌಕರರ ಕಾಯಮಾತಿ

Published:
Updated:

ಗುಲ್ಬರ್ಗ: ವಿವಿಧ ಇಲಾಖೆಗಳಲ್ಲಿ ಹತ್ತು ವರ್ಷಕ್ಕಿಂತ ಹೆಚ್ಚು ಕಾಲ ಸೇವೆ ಸಲ್ಲಿಸಿದ ದಿನಗೂಲಿ ನೌಕರರನ್ನು ರಾಜ್ಯ ಸರ್ಕಾರವು ಶೀಘ್ರದಲ್ಲೇ ಕಾಯಂಗೊಳಿಸಲಿದೆ. ಇದು ಕರ್ನಾಟಕ ರಾಜ್ಯ ದಿನಗೂಲಿ ನೌಕರರ ಹೋರಾಟ ಸಮಿತಿಯ ಹೋರಾಟದ ಫಲ ಎಂದು ಸಮಿತಿ ಅಧ್ಯಕ್ಷ ಚಂದ್ರಶೇಖರ ಎಸ್.ಹಿರೇಮಠ ಭಾನುವಾರ ಪತ್ರಿಕಾಗೊಷ್ಠಿಯಲ್ಲಿ ಹೇಳಿದರು.



ಸಮಿತಿಯು ಕಳೆದ ಆರು ವರ್ಷಗಳಿಂದ ಹೋರಾಟ ನಡೆಸಿಕೊಂಡು ಬಂದಿದೆ. 36 ದಿನಗಳ ಸರಣಿ  ಆಮರಣಾಂತ ಉಪವಾಸ, 450 ದಿನಗಳ ಧರಣಿ, 7ದಿನಗಳ ಉಪವಾಸ ಹೀಗೆ ಹಲವು ಬಾರಿ ನಡೆದ ಹೋರಾಟಗಳಿಗೆ ಸಿಕ್ಕಿದ ಯಶಸ್ಸಾಗಲಿದೆ. ಕಾಯಮಾತಿ ಕುರಿತು ಸರ್ಕಾರವು ಸಿ.ಎಂ. ಉದಾಸಿ ನೇತೃತ್ವದಲ್ಲಿ ಸಂಪುಟ ಉಪಸಮಿತಿ ರಚಿಸಿತ್ತು. ಈ ಸಮಿತಿ ಶಿಫಾರಸಿನ ಅನ್ವಯ ಮುಂದಿನ ಸಚಿವ ಸಂಪುಟ ಸಭೆಯಲ್ಲಿ ಸಮ್ಮತಿ ದೊರೆಯಲಿದೆ. ಬಜೆಟ್ ಅಧಿವೇಶನದಲ್ಲಿ ಮಸೂದೆ ಜಾರಿಯಾಗಲಿದೆ ಎಂದು ಭರವಸೆ ವ್ಯಕ್ತಪಡಿಸಿದರು.



ಅರಣ್ಯ, ಲೋಕೋಪಯೋಗಿ ಹಾಗೂ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್‌ರಾಜ್ ಇಲಾಖೆ ಸೇರಿದಂತೆ ಒಟ್ಟು 22 ಇಲಾಖೆಗಳಲ್ಲಿ ದಿನಗೂಲಿ ನೌಕರರು ಇದ್ದಾರೆ. 1ಜುಲೈ1984ರ ನಂತರ ನೇಮಕಗೊಂಡ ಸುಮಾರು 17000 ಮಂದಿಗೆ ಈ ಮಸೂದೆ ನೆರವಾಗಲಿದೆ ಎಂದರು. ಸಮಿತಿ ಸದಸ್ಯರು ಪತ್ರಿಕಾಗೋಷ್ಠಿಯಲ್ಲಿ ಹಾಜರಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry