ಸಾರಿಗೆ ಸಚಿವರು ಆಲೋಚಿಸಲಿ

7

ಸಾರಿಗೆ ಸಚಿವರು ಆಲೋಚಿಸಲಿ

Published:
Updated:

ಬಸ್ ಪ್ರಯಾಣ ದರ ಏರಿಸಿರುವುದು ಸರಿಯಲ್ಲ ಎಂದು ಸರ್ಕಾರವನ್ನು ಎಚ್ಚರಿಸುವ ಮೂಲಕ (ಪ್ರಜಾವಾಣಿ ಸಂಪಾದಕೀಯ: ಅ. 2) ತನಗಿರುವ ಜನಪರ ಕಾಳಜಿಯನ್ನು ವ್ಯಕ್ತಗೊಳಿಸಿದೆ. ದರ ಏರಿಕೆಯ ಬದಲು ಅದಕ್ಕಿರುವ ಪರ್ಯಾಯ ಮಾರ್ಗಗಳನ್ನು ಸೂಚಿಸಿರುವುದನ್ನು ಸಾರಿಗೆ ಸಚಿವರು ಗಂಭೀರವಾಗಿ ಪರಿಗಣಿಸಬೇಕು.



ದರ ಏರಿಕೆಯೂ ಕೂಡ ಅವೈಜ್ಞಾನಿಕ ರೀತಿಯಲ್ಲಿದೆ. ಸರ್ಕಾರ ಹೇಳಿಕೊಂಡಿರುವ ಪ್ರಮಾಣದಲ್ಲಿ ಅಲ್ಲ. ಹಳೆಯ ದರ 20 ರೂಪಾಯಿ ಇದ್ದದ್ದು ರೂ. 22ಕ್ಕೆ; 72 ರೂಪಾಯಿ ಇದ್ದದ್ದು 75ಕ್ಕೆ ಏರಿದ್ದರೆ, 15 ರೂಪಾಯಿ ಇದ್ದದ್ದನ್ನು ರೂ. 18ಕ್ಕೆ ಏರಿಸಿರುವದು ಆಶ್ಚರ್ಯ.

ಏಕಾಏಕಿ ಬಸ್ ಪ್ರಯಾಣ ದರ ಏರಿಸುವ ಮೂಲಕ ರಾಜ್ಯ ಸರಕಾರ ಬಡವನ ಹೆಗಲಿಗೆ ಮತ್ತಷ್ಟು ಭಾರ ಹೇರುತ್ತಿರುವುದನ್ನು ಸಾರಿಗೆ ಸಚಿವರು ಹೇಗೆ ಸಮರ್ಥಿಸಿಕೊಳ್ಳುತ್ತಾರೆ? ಸರ್ಕಾರ ಈ ದರ ಏರಿಕೆ ನೀತಿಯನ್ನು ಮರು ಪರಿಶೀಲಿಸಿ ಜನಪರವಾದ ನಿರ್ಧಾರ ಕೈಗೊಳ್ಳಲಿ.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry