ಸುವರ್ಣಭೂಮಿ ಲಾಟರಿ ಆಯ್ಕೆಗೆ ಚಾಲನೆ

ಮಂಗಳವಾರ, ಜೂಲೈ 16, 2019
25 °C

ಸುವರ್ಣಭೂಮಿ ಲಾಟರಿ ಆಯ್ಕೆಗೆ ಚಾಲನೆ

Published:
Updated:

ಹೊನ್ನಾಳಿ: ಯಡಿಯೂರಪ್ಪ ನೇತೃತ್ವದ ರಾಜ್ಯ ಸರ್ಕಾರ ರೈತಪರವಾಗಿದೆ. ರೈತರ ಕಲ್ಯಾಣಕ್ಕಾಗಿ ಹಲವಾರು ಯೋಜನೆಗಳನ್ನು ಜಾರಿಗೊಳಿಸಿದೆ ಎಂದು ಅಬಕಾರಿ ಸಚಿವ ಎಂ.ಪಿ. ರೇಣುಕಾಚಾರ್ಯ ಹೇಳಿದರು.



ಇಲ್ಲಿನ ಕನಕರಂಗಮಂದಿರದಲ್ಲಿ ಸೋಮವಾರ ಅವರು ಸುವರ್ಣ ಭೂಮಿ ಯೋಜನೆಯ ಫಲಾನುಭವಿಗಳನ್ನು ಲಾಟರಿ ಮೂಲಕ ಆಯ್ಕೆ ಮಾಡುವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.



ರಾಜ್ಯದ 10ಲಕ್ಷ ರೈತರಿಗೆ ್ಙ 1,000ಕೋಟಿ ಹಣವನ್ನು ಸುವರ್ಣ ಭೂಮಿ ಯೋಜನೆಯಡಿ ನೀಡಲಾಗುವುದು. ಇದರಲ್ಲಿ ಯಾವುದೇ ಅವ್ಯವಹಾರಕ್ಕೆ ಆಸ್ಪದ ಇಲ್ಲದಂತೆ ನಿಷ್ಪಕ್ಷಪಾತವಾಗಿ ಲಾಟರಿ ಮೂಲಕ ಫಲಾನುಭವಿಗಳನ್ನು ಆಯ್ಕೆ ಮಾಡಲಾಗುತ್ತಿದೆ ಎಂದು ಅವರು ತಿಳಿಸಿದರು.



ಕೃಷಿ ಚಟುವಟಿಕೆಗಳಿಗೆ ತಾಲ್ಲೂಕಿನಲ್ಲಿ ಒಟ್ಟು 7,903 ರೈತರು ಅರ್ಜಿ ಸಲ್ಲಿಸಿದ್ದು, ಈ ಪೈಕಿ 2,808 ಫಲಾನುಭವಿಗಳನ್ನು ಲಾಟರಿ ಮೂಲಕ ಆಯ್ಕೆ ಮಾಡಲಾಗುವುದು. ಸಾವಯವ ಕೃಷಿ, ತೋಟಗಾರಿಕೆ, ಜೇನು ಕೃಷಿ ಚಟುವಟಿಕೆಗಳಿಗೆ ಸಂಬಂಧಿಸಿದಂತೆ ಸಾಕಷ್ಟು ಅರ್ಜಿಗಳು ಬಂದಿಲ್ಲವಾದ ಕಾರಣ ಅವುಗಳ ಆಯ್ಕೆಗೆ ಲಾಟರಿ ನಡೆಸಲಾಗುವುದಿಲ್ಲ ಎಂದರು.



`ಸುವರ್ಣ ಭೂಮಿ ಯೋಜನೆ~ಯ ಫಲಾನುಭವಿಗಳಿಗೆ ಮೊದಲ ಹಂತದಲ್ಲಿ ಶೇ. 50ರಷ್ಟು ಹಣ ನೀಡಲಾಗುವುದು. ಬೆಳೆ ಬಂದ ನಂತರ ಉಳಿದ ಶೇ. 50ರಷ್ಟು ಹಣ ನೀಡಲಾಗುವುದು. ರಾಜ್ಯ ಸರ್ಕಾರ ರೈತರಿಗೆ ಹಲವಾರು ಯೋಜನೆಗಳನ್ನು ಜಾರಿಗೊಳಿಸಿದೆ. ಎಲ್ಲರೂ ಅವುಗಳನ್ನು  ಸದುಪಯೋಗಪಡಿಸಿಕೊಳ್ಳಬೇಕು ಎಂದು ಮನವಿ ಮಾಡಿದರು.



ಪಟ್ಟಣ ಪಂಚಾಯ್ತಿ ಅಧ್ಯಕ್ಷೆ ಚಂದ್ರಕಲಾ ಪರಮೇಶ್ವರಪ್ಪ, ತಹಶೀಲ್ದಾರ್ ಎ.ಎಂ. ಶೈಲಜಾ ಪ್ರಿಯದರ್ಶಿನಿ, ತಾ.ಪಂ. ಸದಸ್ಯ ರುದ್ರೇಶ್, ಎಸ್.ಎಚ್. ನಾಗರಾಜ್, ಷಡಾಕ್ಷರಪ್ಪ, ಸಹಾಯಕ ಕೃಷಿ ನಿರ್ದೇಶಕ ಡಾ.ರೇವಣಸಿದ್ದನಗೌಡ, ರೇಷ್ಮೆ ಇಲಾಖೆ ಅಧಿಕಾರಿ ಮೃತ್ಯುಂಜಯರಾವ್ ಇತರರು ಉಪಸ್ಥಿತರಿದ್ದರು.



ತಾಲ್ಲೂಕಿನ ಎಲ್ಲಾ ಭಾಗಗಳಿಂದ ರೈತರು ಆಗಮಿಸಿ ಕುತೂಹಲದಿಂದ ಲಾಟರಿ ಪ್ರಕ್ರಿಯೆಯನ್ನು ವೀಕ್ಷಿಸಿದರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry