ಶುಕ್ರವಾರ, ಜೂನ್ 5, 2020
27 °C

ಸೆಬಾಸ್ಟಿಯನ್ ದಾಖಲೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸೆಬಾಸ್ಟಿಯನ್ ದಾಖಲೆ

ಸುಜುಕಾ, ಜಪಾನ್ (ಎಎಫ್‌ಪಿ): ಜರ್ಮನಿಯ ಸೆಬಾಸ್ಟಿಯನ್ ವೆಟೆಲ್  ಫಾರ್ಮುಲಾ ಒನ್ ಗ್ರ್ಯಾಂಡ್ ಪ್ರಿ ರೇಸಿಂಗ್‌ನಲ್ಲಿ ದಾಖಲೆ ಮಾಡಿದರು.



ರೆಡ್ ಬುಲ್‌ನ ಚಾಲಕ 24 ವರ್ಷದ ಸೆಬಾಸ್ಟಿಯನ್ ಅವರು ಅತ್ಯುತ್ತಮ ಪ್ರದರ್ಶನದ ಮೂಲಕ 2011ರ ಫಾರ್ಮುಲಾ ಒನ್ ಚಾಂಪಿಯನ್ ಆದರು. ಇದರೊಂದಿಗೆ ಸತತ ಎರಡನೇ ಬಾರಿ ಈ ಗೌರವ ಪಡೆದ ಕಿರಿಯ ಚಾಲಕ ಎನಿಸಿದರು.



ವೆಟೆಲ್ 324 ಪಾಯಿಂಟ್ ಹೊಂದಿದ್ದಾರೆ. ಜೆನ್ಸನ್ ಬಟನ್ 210 ಪಾಯಿಂಟ್ಸ್ ಗಳಿಸಿದ್ದಾರೆ.

 ವೆಟೆಲ್ ಇಲ್ಲಿ ನಡೆದ ಜಪಾನ್ ಫಾರ್ಮುಲಾ ಒನ್ ಗ್ರ್ಯಾಂಡ್ ಪ್ರಿನಲ್ಲಿ ಮೂರನೇ ಸ್ಥಾನ ಪಡೆದರು. ಆದರೆ ಒಟ್ಟಾರೆ ಪಾಯಿಂಟ್‌ಗಳ ಆಧಾರ ಮೇಲೆ ಈ ಬಾರಿಯ ಪ್ರಶಸ್ತಿ ಜಯಿಸಿದರು.



ಈ ರೇಸ್‌ನ ಮೊದಲೆರೆಡು ಸ್ಥಾನಗಳು ಜೆನ್ಸನ್ ಬಟನ್ ಹಾಗೂ ಫೆರ್ನಾಂಡೊ ಅಲೊನ್ಸ್ ಅವರ ಪಾಲಾಯಿತು.

ಭಾರತಕ್ಕೆ ನಿರಾಸೆ: ಫೋರ್ಸ್ ಇಂಡಿಯಾದ ಅಡ್ರಿಯಾನ್ ಸುಟಿಲ್ ಹಾಗೂ ಪಾಲ್ ಡಿ ರೆಸ್ಟ್ ಈ ಗ್ರ್ಯಾಂಡ್ ಪ್ರಿ ರ‌್ಯಾಲಿಯಲ್ಲಿ ಯಾವುದೇ ಪಾಯಿಂಟ್‌ಗಳಿಲ್ಲದೇ ನಿರಾಸೆ ಅನುಭವಿಸಬೇಕಾಯಿತು.



ಅಷ್ಟೇನೂ ಗಮನಾರ್ಹ ಪ್ರದರ್ಶನ ನೀಡದ ಇಬ್ಬರೂ ಸ್ಪರ್ಧಿಗಳು ಕ್ರಮವಾಗಿ 11 ಹಾಗೂ 12ನೇ ಸ್ಥಾನಕ್ಕೆ ತೃಪ್ತಿ ಪಟ್ಟರು.   `ಕೆಟ್ಟ ಆರಂಭ ಪಡೆದೆ. ಆದ್ದರಿಂದ ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಾಗಲಿಲ್ಲ. ಮುಂದೆ ಪ್ರದರ್ಶನ ಮಟ್ಟ ಸುಧಾರಿಸಿಕೊಳ್ಳುತ್ತೇನೆ~ ಎಂದು ಸುಟಿಲ್ ಹೇಳಿದರು. ಫೋರ್ಸ್ ಇಂಡಿಯಾ 48 ಪಾಯಿಂಟ್ಸ್‌ಗಳನ್ನು ಹೊಂದಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.