ಗುರುವಾರ , ಆಗಸ್ಟ್ 22, 2019
27 °C

`ಸೆಬಿ' 75ಅಧಿಕಾರಿಗಳ ನೇಮಕ

Published:
Updated:

ನವದೆಹಲಿ(ಪಿಟಿಐ): ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿ(ಸೆಬಿ) ಶೀಘ್ರದಲ್ಲೇ `ಎ' ಶ್ರೇಣಿಯ 75 ಅಧಿಕಾರಿಗಳನ್ನು ನೇಮಕ ಮಾಡಿಕೊಳ್ಳಲಿದೆ.



ಅಕ್ರಮ ಹಣಕಾಸು ಚಟುವಟಿಕೆ ವಿರುದ್ಧ ಕ್ರಮ ಕೈಗೊಳ್ಳಲು, ಆಸ್ತಿ ಮುಟ್ಟುಗೋಲು ಹಾಕಿಕೊಳ್ಳಲು ಮತ್ತು ಆರೋಪಿಗಳನ್ನು ಬಂಧಿಸಿ ವಿಚಾರಣೆ ನಡೆಸಲು `ಸೆಬಿ'ಗೆ ಇತ್ತೀಚೆಗೆ ಕೇಂದ್ರ ಸರ್ಕಾರ ಹೆಚ್ಚಿನ ಅಧಿಕಾರ ನೀಡಿತ್ತು. ಇದಕ್ಕಾಗಿ ಮೂರು ಕಾಯ್ದೆಗಳಿಗೆ ತಿದ್ದುಪಡಿ ತರಲಾಗಿತ್ತು.



`ಹೆಚ್ಚಿನ ಅಧಿಕಾರ ಲಭಿಸಿರುವುದರಿಂದ ಕಾರ್ಯನಿರ್ವಹಣೆಗೆ ಹೆಚ್ಚಿನ ಮಾನವ ಸಂಪನ್ಮೂಲ ಅಗತ್ಯವಿದೆ. ದೇಶದಾದ್ಯಂತ ಸ್ಥಳೀಯ ಕಚೇರಿಗಳನ್ನು ತೆರೆಯಬೇಕಿದೆ. ಈ ಹಿನ್ನೆಲೆಯಲ್ಲಿ ಹೊಸ ನೇಮಕಾತಿ ನಡೆಯಲಿದೆ' ಎಂದು `ಸೆಬಿ' ಪ್ರಕಟಣೆ ತಿಳಿಸಿದೆ.

ಸದ್ಯ `ಸೆಬಿ'ಯಲ್ಲಿ 600 ಅಧಿಕಾರಿಗಳಿದ್ದಾರೆ. ವರ್ಷಾಂತ್ಯಕ್ಕೆ ಈ ಸಂಖ್ಯೆಯನ್ನು 1 ಸಾವಿರಕ್ಕೆ ಹೆಚ್ಚಿಸುವ ಗುರಿಯನ್ನು ಮಂಡಳಿ ನಿಗದಿಪಡಿಸಿದೆ



ಆ. 12ರಿಂದ 26ರ ನಡುವೆ `ಎ' ಶ್ರೇಣಿ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು.  ಈ ಹುದ್ದೆಗಳಿಗೆ ವಾರ್ಷಿಕ ರೂ.11 ಲಕ್ಷ ವೇತನ ನಿಗದಿಪಡಿಸಲಾಗಿದೆ.

Post Comments (+)