ಸ್ಕ್ವಾಷ್: 14ನೇ ಸ್ಥಾನಕ್ಕೆ ಜಿಗಿದ ದೀಪಿಕಾ

7

ಸ್ಕ್ವಾಷ್: 14ನೇ ಸ್ಥಾನಕ್ಕೆ ಜಿಗಿದ ದೀಪಿಕಾ

Published:
Updated:

ನವದೆಹಲಿ (ಪಿಟಿಐ): ಸ್ಥಿರ ಪ್ರದರ್ಶನದ ಮೂಲಕ ಗಮನ ಸೆಳೆಯುತ್ತಿರುವ ಭಾರತದ ದೀಪಿಕಾ ಪಳ್ಳಿಕಲ್ ವಿಶ್ವ ಸ್ಕ್ವಾಷ್ ರ‌್ಯಾಂಕಿಂಗ್‌ನಲ್ಲಿ 14ನೇ ಸ್ಥಾನಕ್ಕೇರಿದ್ದಾರೆ.



ಈ ಸಾಧನೆ ಮಾಡಿದ ಭಾರತದ ಮೊದಲ ಆಟಗಾರ್ತಿ ಎನಿಸಿದ್ದಾರೆ. 20ರ ಹರೆಯದ ದೀಪಿಕಾ ಕಳೆದ ಅಕ್ಟೋಬರ್‌ನಲ್ಲಿ ವಾಷಿಂಗ್ಟನ್‌ನಲ್ಲಿ ನಡೆದ ಡಬ್ಲ್ಯುಐಎಸ್‌ಪಿಎ ಡ್ರೆಡ್ ಸರಣಿ-2 ಸ್ಕ್ವಾಷ್ ಟೂರ್ನಿಯಲ್ಲಿ ಚಾಂಪಿಯನ್ ಪಟ್ಟ ಪಡೆದ್ದ್ದಿದರು. ಅದಕ್ಕೂ ಮುನ್ನ ಕ್ಯಾಲಿಫೋರ್ನಿಯಾದಲ್ಲಿ ನಡೆದ ಆರೇಂಜ್ ಕಂಟ್ರಿ ಟೂರ್ನಿಯಲ್ಲಿ ಚಾಂಪಿಯನ್ ಆಗಿದ್ದರು. ಕಳೆದ ತಿಂಗಳು ನ್ಯೂಯಾರ್ಕ್‌ನಲ್ಲಿ ನಡೆದ ಚಾಂಪಿಯನ್‌ಷಿಪ್‌ನಲ್ಲಿ ರನ್ನರ್ ಅಪ್ ಪ್ರಶಸ್ತಿ ಗಳಿಸಿದ್ದರು.



ಈಗ ಅವರು ಚೆನ್ನೈನಲ್ಲಿ ನಡೆಯುತ್ತಿರುವ 21 ವರ್ಷದೊಳಗಿನವರ ವಿಶ್ವಕಪ್ ಸ್ಕ್ವಾಷ್ ಚಾಂಪಿಯನ್‌ಷಿಪ್‌ನಲ್ಲಿ ಭಾರತ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಇದರಲ್ಲಿ ಮೊದಲ ಪಂದ್ಯದಲ್ಲಿ ಭಾರತ 3-0ರಲ್ಲಿ ಜರ್ಮನಿಯನ್ನು ಸೋಲಿಸಿತ್ತು. ದೀಪಿಕಾ 11-2, 11-4, 11-7ರಲ್ಲಿ ಫ್ರಾಂಜಿಸ್ಕಾ ಹೇನ್ಸ್ ಎದುರು ಗೆದ್ದಿದ್ದರು.



ಆದರೆ ಗುರುವಾರ ನಡೆದ ಪಂದ್ಯದಲ್ಲಿ ಭಾರತ ನಿರಾಸೆ ಅನುಭವಿಸಿತು. ಅಗ್ರ ಶ್ರೇಯಾಂಕ ಪಡೆದಿರುವ ಈಜಿಪ್ಟ್ `ಎ~ ಗುಂಪಿನ ಲೀಗ್ ಪಂದ್ಯದಲ್ಲಿ 3-0ರಲ್ಲಿ ಭಾರತವನ್ನು ಸೋಲಿಸಿತು. ರವಿ ದೀಕ್ಷಿತ್, ಅನಕಾ ಅಲಂಕಾಮೊನಿ ಹಾಗೂ ಕರಣ್  ಮಲಿಕ್ ಪರಾಭವಗೊಂಡರು. ಈ ಪಂದ್ಯಲ್ಲಿ ದೀಪಿಕಾ ಅವರಿಗೆ ವಿಶ್ರಾಂತಿ ನೀಡಿ ಅನಕಾ ಅವರಿಗೆ ಅವಕಾಶ ನೀಡಲಾಗಿತ್ತು. ಆದರೆ ತಮಗೆ ಸಿಕ್ಕ ಅವಕಾಶವನ್ನು ಅವರು ಸರಿಯಾಗಿ ಬಳಸಿಕೊಳ್ಳಲಿಲ್ಲ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry