ಶನಿವಾರ, ಆಗಸ್ಟ್ 15, 2020
21 °C

ಸ್ಪರ್ಧೆ: ಆಂಧ್ರದ ಎತ್ತುಗಳು ಪ್ರಥಮ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸ್ಪರ್ಧೆ: ಆಂಧ್ರದ ಎತ್ತುಗಳು ಪ್ರಥಮ

ರಾಯಚೂರು: ಸತತ ಹನ್ನೆರಡು ವರ್ಷಗಳಿಂದ ಕಾರ ಹುಣ್ಣಿಮೆ ಅಂಗವಾಗಿ ಇಲ್ಲಿನ ಮುನ್ನೂರು ಕಾಪು ಸಮಾಜವು ನಡೆಸುತ್ತ ಬಂದಿರುವ ಮುಂಗಾರು ಸಾಂಸ್ಕೃತಿ ರಾಯಚೂರು ಹಬ್ಬದ ಪ್ರಮುಖ ಅಕರ್ಷಣೆಯಾದ `ಎತ್ತುಗಳಿಂದ ಭಾರವಾದ ಕಲ್ಲು ಎಳೆಯುವ ಸ್ಪರ್ಧೆ~ಯ ಎರಡನೆಯ ದಿನವಾದ ಬುಧವಾರ 12 ಜೋಡಿ ಎತ್ತುಗಳು ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದವು.



ಮಂಗಳವಾರ ಒಂದುವರೆ ಟನ್ ಭಾರದ ಕಲ್ಲು ಎಳೆಯುವ ಸ್ಪರ್ಧೆಗೆ 11 ಜೋಡಿ ಎತ್ತುಗಳು

ಪಾಲ್ಗೊಂಡಿದ್ದವು. ಬುಧವಾರ ನಡೆದ ಸ್ಪರ್ಧೆಯ ವೀಕ್ಷಣೆಗೆ ಕರ್ನಾಟಕ ಮತ್ತು ಆಂಧ್ರಪ್ರದೇಶದ ವಿವಿಧ ಭಾಗಗಳಿಂದ ಆಗಮಿಸಿದ್ದರು.



ವಿಶೇಷವಾಗಿ ಕಾರ ಹುಣ್ಣಿಮೆ ದಿನವಾಗಿದ್ದರಿಂದ ಕೃಷಿ ಚಟುವಟಿಕೆಗೆ ಸ್ಥಗಿತ. ಹೀಗಾಗಿ ರೈತ ಸಮುದಾಯ ಹೆಚ್ಚಿನ ಆಸಕ್ತಿಯಿಂದ ಈ ಸ್ಪರ್ಧೆ ವೀಕ್ಷಣೆಗೆ ಆಗಮಿಸಿದ್ದರು.



ಪ್ರತಿ ಜೋಡಿ ಎತ್ತುಗಳು ಸ್ಪರ್ಧಾ ಅಂಗಳಕ್ಕೆ ಇಳಿಯುತ್ತಿದ್ದಂತೆಯೇ ಕಿಕ್ಕಿರಿದು ಸೇರಿದ್ದ ಜನತೆ, ಕೇ ಕೇ ಹಾಕಿ ಎತ್ತುಗಳನ್ನು ಹುರುದುಂಬಿಸುತ್ತಿದ್ದುದು ಕಂಡು ಬಂದಿತು. ಎತ್ತುಗಳು ಸ್ಪರ್ಧಾ ಅಂಗಳಕ್ಕೆ ಇಳಿಯುತ್ತಿದ್ದಂತೆಯೇ ಅವುಗಳ ಮಾಲೀಕರು, ತರಬೇತುದಾರರು ಸ್ಪರ್ಧೆಗೆ ಸಜ್ಜುಗೊಳಿಸುತ್ತಿದ್ದರು.



ಛಾಟಿ ಏಟಿಗೆ ಎತ್ತುಗಳು ನಲುಗುತ್ತಿದ್ದವು. ದಷ್ಟಪುಷ್ಟವಾಗಿ ಬೆಳೆಸಿದ ತಮ್ಮ ಎತ್ತುಗಳು ಸ್ಪರ್ಧೆಯಲ್ಲಿ ಗೆಲ್ಲಲೇಬೇಕು ಎಂಬ ಉಮೇದಿ ಮಾಲೀಕರು ಮತ್ತು ತರಬೇತುದಾರರು ಎತ್ತುಗಳನ್ನು ಗೆಲ್ಲಿಸಲು ಶ್ರಮಿಸುತ್ತಿದ್ದರು. ಬೆಳಿಗ್ಗೆಯಿಂದ ಸಂಜೆಯವರೆಗೆ ನಡೆದ ಈ ಸ್ಪರ್ಧೆಯನ್ನು ಸಾರ್ವಜನಿಕರು ಆಸಕ್ತಿಯಿಂದ ವೀಕ್ಷಿಸಿದರು.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.