ಹಣಮೂಲ ಸಂಸ್ಕೃತಿಯತ್ತ ಯುವ ಜನತೆ: ವಿಷಾದ

7

ಹಣಮೂಲ ಸಂಸ್ಕೃತಿಯತ್ತ ಯುವ ಜನತೆ: ವಿಷಾದ

Published:
Updated:

ಬೆಂಗಳೂರು: `ಇಂದಿನ ಸಮಾಜಕ್ಕೆ ಶಿವರಾಮ ಕಾರಂತರ ಕಾದಂಬರಿಗಳ ಮರು ಓದು ಔಚಿತ್ಯಪೂರ್ಣವಾಗಿದೆ~ ಎಂದು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಕನ್ನಡ ಪ್ರಾಧ್ಯಾಪಕ ಡಾ.ನಿಂಗಮಾರಯ್ಯ ಹೇಳಿದರು.



ಕನ್ನಡ ಯುವಜನ ಸಂಘವು ಇತ್ತೀಚೆಗೆ ನಗರದಲ್ಲಿ ಏರ್ಪಡಿಸಿದ್ದ `ಡಾ.ಶಿವರಾಮ ಕಾರಂತರ ಕಾದಂಬರಿಗಳು~ ಕುರಿತಾದ ಉಪನ್ಯಾಸ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.



`ಕಾರಂತರ ಪ್ರಮುಖ ಕಾದಬರಿಗಳು ಮನುಷ್ಯ ಮತ್ತು ಮಣ್ಣಿನ ಸಂಬಂಧ ಹಾಗೂ ಹೆಣ್ಣು-ಗಂಡಿನ ಸಂಬಂಧ, ಅನಿಷ್ಟ ಪದ್ಧತಿಗಳ ಧಿಕ್ಕರಿಸುವಿಕೆ, ನಗರ ಸಂಸ್ಕೃತಿಯು ಗ್ರಾಮೀಣ ಸಂಸ್ಕೃತಿಯ ಮೇಲೆ ನಡೆಸುತ್ತಿರುವ ದಬ್ಬಾಳಿಕೆಯನ್ನು ಪ್ರಮುಖ ವಸ್ತುಗಳನ್ನಾಗಿ ಚರ್ಚಿಸಿದ್ದಾರೆ~ ಎಂದರು.



`ಇಂದಿನ ಯುವಜನತೆ ನೆಲಮೂಲ ಸಂಸ್ಕೃತಿಯನ್ನು ಕಳೆದುಕೊಂಡು ಹಣಮೂಲ ಸಂಸ್ಕೃತಿಯತ್ತ ಚಲಿಸುತ್ತಿದೆ. ಜಾಗತೀಕರಣದಿಂದ ಹಳ್ಳಿಯ ಯುವಜನರು ನಗರದತ್ತ ಮುಖ ಮಾಡಿದ್ದಾರೆ. ಯುವಜನತೆಯು ಪಾಶ್ಚಾತ್ಯ ಸಂಸ್ಕೃತಿ ಮತ್ತು ಶೈಲಿ ಮೈಗೂಡಿಸಿಕೊಳ್ಳುತ್ತಿದ್ದಾರೆ. ನಮ್ಮ ಭೂಮಿಯಲ್ಲಿ ಇನ್ಯಾರೋ ಬಯಸಿದಂತೆ ಬೆಳೆಗ ಬೆಳೆಯುವಂತಾಗಿದೆ~ ಎಂದು ವಿಷಾದಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry