ಹಾಕಿ: ಭಾರತ ಜೂನಿಯರ್ ತಂಡಕ್ಕೆ ಗುರ್ಜಿಂದರ್ ನಾಯಕ

7

ಹಾಕಿ: ಭಾರತ ಜೂನಿಯರ್ ತಂಡಕ್ಕೆ ಗುರ್ಜಿಂದರ್ ನಾಯಕ

Published:
Updated:

ನವದೆಹಲಿ (ಪಿಟಿಐ/ಐಎಎನ್‌ಎಸ್): ಮಲೇಷ್ಯಾದಲ್ಲಿ ನವೆಂಬರ್ 5 ರಂದು ಆರಂಭವಾಗಲಿರುವ  ಆರು ರಾಷ್ಟ್ರಗಳನ್ನೊಳಗೊಂಡ ಸುಲ್ತಾನ್ ಜೋಹಾರ್ ಕಪ್ ಹಾಕಿ ಟೂರ್ನಿಗೆ  ಗುರ್ಜಿಂದರ್ ಸಿಂಗ್ ಅವರನ್ನು ಭಾರತ ತಂಡದ ನಾಯಕರನ್ನಾಗಿ ಆಯ್ಕೆ ಮಾಡಲಾಗಿದೆ.



ಇಬ್ಬರು ಗೋಲ್ ಕೀಪರ್ ಸೇರಿದಂತೆ 18 ಆಟಗಾರರನ್ನು ಒಳಗೊಂಡ ಭಾರತ ತಂಡವನ್ನು ಆಯ್ಕೆ ಸಮಿತಿ ಪ್ರಕಟಿಸಿತು. ಈ ಟೂರ್ನಿ ಎಂಟು ದಿನಗಳ ಕಾಲ ನಡೆಯಲಿದೆ. ಆಸ್ಟ್ರೇಲಿಯಾ, ಕೊರಿಯಾ, ಮಲೇಷ್ಯಾ, ನ್ಯೂಜಿಲೆಂಡ್ ಹಾಗೂ ಪಾಕಿಸ್ತಾನ ತಂಡಗಳು ಈ ಟೂರ್ನಿಯಲ್ಲಿ ಪಾಲ್ಗೊಳ್ಳಲಿವೆ.



ಬೆಂಗಳೂರಿನ ಭಾರತೀಯ ಕ್ರೀಡಾ ಪ್ರಾಧಿಕಾರದಲ್ಲಿ (ಎಸ್‌ಎಐ) ಅಕ್ಟೋಬರ್ 14 ಹಾಗೂ 15ರಂದು ಆಯ್ಕೆ ಟ್ರಯಲ್ಸ್ ನಡೆಯಿತು.



ತಂಡ ಇಂತಿದೆ: ಗೋಲ್ ಕೀಪರ್ಸ್‌: ಹರ್ಮಪ್ರೀತ್ ಸಿಂಗ್, ಪಿ. ನವೀನ್ ಕುಮಾರ್.; ಡಿಫೆಂಡರ್ಸ್‌: ಗುರ್ಜಿಂದರ್ ಸಿಂಗ್ (ನಾಯಕ), ಅಮಿತ್ ರೋಹಿದಾಸ್, ಎಂ. ಸಂಪತ್ ಕುಮಾರ್.;  ಮಿಡ್ ಫೀಲ್ಡರ್ಸ್‌: ಎಂ. ಪ್ರದೀಪ್, ಜರ್ಮನ್‌ಪ್ರೀತ್ ಸಿಂಗ್, ದೇವಿಂದರ್ ವಾಲ್ಮೀಕಿ (ಉಪ ನಾಯಕ), ಬಿಪಿನ್ ಕಿಶೋರ್ ಕೆರ್ಕೆಟ್ಟಾ, ಗುರೀಂದರ್ ಸಿಂಗ್.; ಫಾರ್ವಡ್ಸ್: ಪಿ.ಎಲ್. ತಿಮ್ಮಣ್ಣ, ಸತ್ಬೀರ್ ಸಿಂಗ್, ಮಾಲಕ್ ಸಿಂಗ್, ಸುಖ್ದೇವ್ ಸಿಂಗ್, ರಣಜಿತ್ ಸಿಂಗ್, ಎಂ. ಗುಣಶೇಖರ, ರಾಮದೀಪ್ ಸಿಂಗ್ ಮತ್ತು ತಲ್ವೀಂದರ್ ಸಿಂಗ್.



ರಿಸರ್ವ್ ಆಟಗಾರರು: ಕೇಶವ್ ದತ್ (ಗೋಲ್ ಕೀಪರ್), ಹರ್ಪಿತ್ ಸಿಂಗ್ (ಡಿಫೆಂಡರ್), ಸುಮಿತ್ ತೊಪ್ನಾ (ಡಿಫೆಂಡರ್), ಜತೀಂದರ್ ಸಿಂಗ್ (ಮಿಡ್ ಫೀಲ್ಡರ್), ಹರ್ಜಿತ್ ಸಿಂಗ್ (ಮಿಡ್ ಫೀಲ್ಡರ್), ಮನದೀಪ್ ಸಿಂಗ್ (ಫಾರ್ವರ್ಡ್) ಮತ್ತು ಇಮ್ರಾನ್ ಖಾನ್.



ಭಾರತ ಆಡುವ ಪಂದ್ಯಗಳ ವೇಳಾಪಟ್ಟಿ: ಭಾರತ-ಕೊರಿಯಾ (ನವೆಂಬರ್ 5), ಭಾರತ-ಆಸ್ಟ್ರೇಲಿಯಾ (ನ. 6), ಭಾರತ-ಪಾಕಿಸ್ತಾನ (ನ. 8), ಭಾರತ-ನ್ಯೂಜಿಲೆಂಡ್ (ನ. 9) ಹಾಗೂ ಭಾರತ-ಮಲೇಷ್ಯಾ (ನ. 11). ಫೈನಲ್ ಪಂದ್ಯ: ನ. 12.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry