ಹಾರಂಗಿ ಜಲಾಶಯ: ಭರ್ತಿಗೆ 15.18 ಅಡಿ ಬಾಕಿ

7

ಹಾರಂಗಿ ಜಲಾಶಯ: ಭರ್ತಿಗೆ 15.18 ಅಡಿ ಬಾಕಿ

Published:
Updated:
ಹಾರಂಗಿ ಜಲಾಶಯ: ಭರ್ತಿಗೆ 15.18 ಅಡಿ ಬಾಕಿ

ಕುಶಾಲನಗರ:  ಕಾವೇರಿ ಕಣಿವೆಯ ಪ್ರಮುಖ ಜಲಾಶಯಗಳ ಪೈಕಿ ಒಂದಾದ ಹಾರಂಗಿ ಜಲಾಶಯದ ನೀರಿನ ಮಟ್ಟ ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ದಿನೇ ದಿನೇ ಏರಿಕೆಯಾಗುತ್ತಿದೆ.



ಗರಿಷ್ಠ 8.5 ಟಿ.ಎಂ.ಸಿ ನೀರಿನ ಸಂಗ್ರಹ ಸಾಮರ್ಥ್ಯ ಹೊಂದಿರುವ ಜಲಾಶಯದ ಗರಿಷ್ಠ ಮಟ್ಟ 2859 ಅಡಿಗಳಾಗಿದೆ. ಜಲಾಶಯದಲ್ಲಿ ಮಂಗಳವಾರ ಬೆಳಿಗ್ಗೆ 2843.82 ಅಡಿಗಳಷ್ಟು ನೀರು ದಾಖಲಾಗಿತ್ತು. ಸೋಮವಾರ ನೀರಿನ ಮಟ್ಟ 2843.52 ಅಡಿಗಳಷ್ಟಿತ್ತು. ಮೂರು ದಿನಗಳಿಂದ ಮಳೆ ಪ್ರಮಾಣ ಕ್ಷೀಣಿಸಿದ ಹಿನ್ನೆಲೆಯಲ್ಲಿ ಒಳಹರಿವು ಕಡಿಮೆಯಾಗಿದೆ.



ಮಂಗಳವಾರ ಬೆಳಿಗ್ಗೆ 8 ಗಂಟೆಗೆ ಜಲಾಶಯಕ್ಕೆ 377 ಕ್ಯೂಸೆಕ್‌ಗಳಷ್ಟು ನೀರಿನ ಒಳ ಹರಿವು ಇತ್ತು. ಜಲಾನಯನ ಪ್ರದೇಶದಲ್ಲಿ ಮಂಗಳವಾರ ಬೆಳಿಗ್ಗೆ 8 ರ ತನಕ ಮಳೆ ದಾಖಲಾಗಿಲ್ಲ. ಜಲಾಶಯ ಭರ್ತಿಗೆ ಇನ್ನು 15.18 ಅಡಿಗಳಷ್ಟು ನೀರು ಸಂಗ್ರಹಗೊಳ್ಳಬೇಕಿದೆ.



ಜಲಾಶಯದಲ್ಲಿ ಕಳೆದ ವರ್ಷ ಇದೇ ಅವಧಿಗೆ 2811.76 ಅಡಿಗಳಷ್ಟು ನೀರು ಇತ್ತು. ಕಳೆದ ವರ್ಷಕ್ಕೆ ಹೋಲಿಸಿದರೆ ಜಲಾಶಯದಲ್ಲಿ ಈ ಬಾರಿ 32.06 ಅಡಿಯಷ್ಟು ಹೆಚ್ಚಿನ ಪ್ರಮಾಣದ ನೀರು ಸಂಗ್ರಹಗೊಂಡಿದೆ.

ಹಾರಂಗಿ, ಚಿಕ್ಲಿಹೊಳೆ ಅಣೆಕಟ್ಟೆಗಳಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಅವಧಿಗೆ ಈ ಬಾರಿ ಹೆಚ್ಚು ನೀರು ಸಂಗ್ರಹಗೊಂಡಿರುವುದು ಅಚ್ಚುಕಟ್ಟು ಪ್ರದೇಶದ ರೈತರಲ್ಲಿ ಹರ್ಷ ಮೂಡಿಸಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry