ಹಿಂದುಳಿದ ವರ್ಗಗಳ ಒಕ್ಕೂಟಕ್ಕೆ ದಶಮಾನೋತ್ಸವ

7

ಹಿಂದುಳಿದ ವರ್ಗಗಳ ಒಕ್ಕೂಟಕ್ಕೆ ದಶಮಾನೋತ್ಸವ

Published:
Updated:

ನೆಲಮಂಗಲ: ‘ಸುಮಾರು 55 ಹಿಂದುಳಿದ ವರ್ಗಗಳನ್ನು ಒಗ್ಗೂಡಿಸಿ ಹಿಂದುಳಿದ ಜಾತಿಗಳ ಒಕ್ಕೂಟವನ್ನು ಕಟ್ಟಲಾಗಿದೆ. ಮೀಸಲಾತಿ ಹಾಗೂ ಇನ್ನಿತರ ಸೌಲಭ್ಯಗಳನ್ನು ಕಲ್ಪಿಸಿಕೊಡು­ವಲ್ಲಿ ಒಕ್ಕೂಟ ಹೋರಾಡುತ್ತಿದೆ’ ಎಂದು ಮಾಜಿ ಸಚಿವ ಎಚ್‌.ಎಂ.­ರೇವಣ್ಣ ತಿಳಿಸಿದರು.



ರಾಜ್ಯ ಹಿಂದುಳಿದ ಜಾತಿಗಳ ಒಕ್ಕೂಟ ಮಾದಾವರದಲ್ಲಿ ಭಾನು­ವಾರ ಹಮ್ಮಿ­ಕೊಂಡಿರುವ ದಶಮಾ­ನೋತ್ಸವ ಸಮಾ­ರಂಭದ ಪೂರ್ವ­ಭಾವಿ ಸಭೆ ಉದ್ದೇಶಿಸಿ ಮಾತನಾಡಿದ ಅವರು. ‘ಅಹಿಂದ ವರ್ಗಗಳ ಸಮಾ­ವೇಶ­ವನ್ನು ದೊಡ್ಡಮಟ್ಟದಲ್ಲಿ ಆಯೋ­ಜಿಸಲು ಎಲ್ಲ ತಯಾರಿ  ನಡೆಸಲಾಗಿದೆ’ ಎಂದರು.



ಒಕ್ಕೂಟದ ಅಧ್ಯಕ್ಷ ಎಸ್‌.­ಸಿದ್ದಗಂಗಯ್ಯ ಮಾತನಾಡಿ , ‘ಅತಿ ಸಣ್ಣ ವರ್ಗಗಳನ್ನು ಒಗ್ಗೂಡಿಸಿ ಅವರ ಕುಲಕಸುಬುಗಳಿಗೆ ಪುನಶ್ಚೇತನ ನೀಡುವ ಕಾರ್ಯಕ್ಕೆ ಸಮಾವೇಶದ ಮೂಲಕ ಚಾಲನೆ ನೀಡಲಾಗುವುದು’ ಎಂದರು.



ಒಕ್ಕೂಟದ ಉಪಾಧ್ಯಕ್ಷ ಸುರೇಶ್‌ ಎಂ.­ಲಾತೂರ್‌, ‘ಸುಮಾರು 5 ಲಕ್ಷ ಜನರು ಸಮಾವೇಶದಲ್ಲಿ ಪಾಲ್ಗೊ­ಳ್ಳುವ ನಿರೀಕ್ಷೆ ಇದೆ. 2 ಲಕ್ಷ ಜನಕ್ಕೆ ಆಸನ ವ್ಯವಸ್ಥೆ ಮಾಡಲಾಗುವುದು. ವಸತಿ ಮತ್ತು ಊಟದವ್ಯವಸ್ಥೆ ಮಾಡಲಾ­ಗುವುದು’ ಎಂದರು.



ಮಾಜಿ ಸಚಿವ ಕುಮಾರ್‌ ಬಂಗಾರಪ್ಪ, ಮಾಜಿ ಸಭಾಪತಿ ವಿ.ಆರ್‌.­ಸುದರ್ಶನ್‌, ಮಾಜಿ ಶಾಸಕ ನೆ.ಲ.­ನರೇಂದ್ರ­ಬಾಬು, ಗೌರವ ಅಧ್ಯಕ್ಷ ಎನ್‌.ವಿ.­ ನರಸಿಂಹಯ್ಯ, ಕಾರ್ಯಾ­ಧ್ಯಕ್ಷ ಡಾ.ಬಿ.ಕೆ. ರವಿ, ಪ್ರಧಾನ ಕಾರ್ಯದರ್ಶಿ ಎಸ್‌.ಜಿ.ಕಾಳೇಗೌಡ, ಪುರಸಭಾ ಸದಸ್ಯ ಶಿವಕುಮಾರ್‌  ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry