ಮಂಗಳವಾರ, ಜೂನ್ 22, 2021
28 °C

ಹೆಸರು ಸೇರ್ಪಡೆಗೆ 2 ದಿನ ಬಾಕಿ

'ಪ್ರಜಾವಾಣಿ ವಾರ್ತೆ/ Updated:

ಅಕ್ಷರ ಗಾತ್ರ : | |

ಗುಲ್ಬರ್ಗ: ಜಿಲ್ಲೆಯ ಮತದಾರರ ಪಟ್ಟಿಗೆ ಹೆಸರು ಸೇರ್ಪಡೆಗೆ ಕೇವಲ ಎರಡೇ ದಿನ ಬಾಕಿಯಿದೆ. ಇದಕ್ಕಾಗಿ  ಮಾರ್ಚ್‌ 16ರೊಳಗೆ ಅರ್ಜಿ ನಮೂನೆ- 6ರಲ್ಲಿ ವಿವರಗಳನ್ನು ಭರ್ತಿ ಮಾಡಿ,  ಬಣ್ಣದ ಭಾವಚಿತ್ರ, ವಯ ಸ್ಸಿನ ಮತ್ತು ವಾಸಸ್ಥಳದ ದಾಖಲೆಗಳೊಂದಿಗೆ ಸಲ್ಲಿಸಬೇಕೆಂದು ಜಿಲ್ಲಾ ಚುನಾವಣಾಧಿಕಾರಿ  ಡಾ. ಎನ್.ವಿ.ಪ್ರಸಾದ್  ತಿಳಿಸಿದ್ದಾರೆ.



ಜಿಲ್ಲೆಯ ಎಲ್ಲ ಮತದಾರರು ತಮ್ಮ ಹೆಸರು ಮತದಾರರ ಪಟ್ಟಿಯಲ್ಲಿರುವ ಬಗ್ಗೆ ಖಚಿತಪಡಿಸಿಕೊಳ್ಳಲು ಸಂಬಂಧ ಪಟ್ಟ ತಾಲ್ಲೂಕು ತಹಶೀಲ್ದಾರರ ಕಚೇರಿ ಹಾಗೂ ನಗರದ ಮತದಾರರು ಗುಲ್ಬರ್ಗ ಮಹಾನಗರ ಪಾಲಿಕೆಯ ಚುನಾವಣಾ ಶಾಖೆಯಲ್ಲಿ ಪರಿಶೀಲಿಸ ಬೇಕು. ಹೆಸರು ಇಲ್ಲದಿದ್ದಲ್ಲಿ ತಮ್ಮ ಹೆಸರನ್ನು ಸೇರ್ಪಡೆ ಮಾಡಬಹುದು.

ಈ ಪಟ್ಟಿಯಲ್ಲಿ ಹೆಸರುಗಳ ಸೇರ್ಪಡೆಗೆ ಆನ್‌ಲೈನ್‌ ಮೂಲಕವೂ ಅವಕಾ ಶವಿರುತ್ತದೆ.



ಹೆಚ್ಚಿನ ವಿವರಗಳಿಗಾಗಿ www.ceokarnataka.kar.nic.in ವೆಬ್‌ಸೈಟ್‌ನಿಂದ ಪಡೆಯಬಹುದು. ಮತದಾರರ ಪಟ್ಟಿ ಪರಿಶೀಲಿಸಿ ತಿದ್ದುಪ ಡಿಗಳೇನಾದರೂ ಇದ್ದಲ್ಲಿ ನಮೂನೆ 8ರಲ್ಲಿ, ವರ್ಗಾವಣೆಗಾಗಿ ನಮೂನೆ 8ಎ ರಲ್ಲಿ  ಹಾಗೂ ಹಾಲಿ ಮತದಾರರ ಪಟ್ಟಿಯಿಂದ ಹೆಸರು ತೆಗೆದು ಹಾಕಲು ನಮೂನೆ 7ರಲ್ಲಿ ಅರ್ಜಿ ಸಲ್ಲಿಸಬೇಕು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.