ಹೊಸ ತತ್ಕಾಲ್ ಜಾರಿ

ಮಂಗಳವಾರ, ಜೂಲೈ 23, 2019
27 °C

ಹೊಸ ತತ್ಕಾಲ್ ಜಾರಿ

Published:
Updated:

ನವದೆಹಲಿ (ಪಿಟಿಐ): ದುರ್ಬಳಕೆ ತಡೆಯಲು ರೈಲ್ವೆ ಟಿಕೆಟ್ ಮುಂಗಡ ಕಾಯ್ದಿರಿಸುವಿಕೆ ತತ್ಕಾಲ್ ಯೋಜನೆ ಪರಿಷ್ಕರಿಸಲಾಗಿದ್ದು, ಮಂಗಳವಾರದಿಂದ ಜಾರಿಯಾಗಿದೆ. ನೂತನ ಯೋಜನೆ ಅಡಿಯಲ್ಲಿ ಪ್ರಯಾಣಿಕರು ಬೆಳಿಗ್ಗೆ 8 ಗಂಟೆ ಬದಲಿಗೆ 10ಗಂಟೆಯಿಂದ  ಟಿಕೆಟ್ ಕಾಯ್ದಿರಿಸಬಹುದು.



ಈ ಯೋಜನೆ ದುರ್ಬಳಕೆ ಬಗ್ಗೆ ಪ್ರಯಾಣಿಕರಿಂದ ಸಾಕಷ್ಟು ದೂರುಗಳು ಬಂದ ಹಿನ್ನೆಲೆಯಲ್ಲಿ ಇಲಾಖೆ ಹೆಚ್ಚುವರಿ ಕ್ರಮಗಳನ್ನು ತೆಗೆದುಕೊಂಡಿದೆ.ಪರಿಷ್ಕೃತ ಯೋಜನೆ ಪ್ರಕಾರ, ಐಆರ್‌ಸಿಟಿಸಿ ಸೇರಿದಂತೆ ಅಧಿಕೃತ ಏಜೆಂಟರಿಗೆ ಕೌಂಟರ್‌ನಿಂದ ಬೆಳಿಗ್ಗೆ 10ರಿಂದ ಮಧ್ಯಾಹ್ನ 12ರ ವರೆಗೆ ತತ್ಕಾಲ್ ಟಿಕೆಟ್ ಮುಂಗಡ ಕಾಯ್ದಿರಿಸುವಿಕೆ ಅವಕಾಶಇಲ್ಲ. ಕೆಲವೊಂದು ರೈಲ್ವೆ ವಲಯಗಳು ಪ್ರತ್ಯೇಕವಾಗಿ ತತ್ಕಾಲ್ ಕೌಂಟರ್ ನಿರ್ವಹಿಸಲಿವೆ



ಇದಕ್ಕಾಗಿ ಮುಂಗಡ ಕಾಯ್ದಿರಿಸುವಿಕೆ ಕೌಂಟರ್‌ಗಳಲ್ಲಿ ಅಗತ್ಯ ಸಿದ್ಧತೆ ಮಾಡಿಕೊಳ್ಳುವಂತೆ ನಿರ್ದೇಶನ ನೀಡಲಾಗಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.



ಮುಂಗಡ ಕಾಯ್ದಿರಿಸುವಿಕೆಯ ಪ್ರಮುಖ ಕೇಂದ್ರಗಳಲ್ಲಿ ಸಿಸಿಟಿವಿ ಅಳವಡಿಕೆ, ಕೌಂಟರ್ ಒಳಗೆ ಸಿಬ್ಬಂದಿಗೆ ಮೊಬೈಲ್ ಫೋನ್ ಬಳಕೆ ನಿರ್ಬಂಧ, ದೂರುಗಳಿಗೆ ಸಹಾಯವಾಣಿ ಸಂಖ್ಯೆ ನಮೂದಿಸುವುದು, ತತ್ಕಾಲ್ ಸೌಲಭ್ಯ ದುರ್ಬಳಕೆ ತಡೆಗೆ ಜಾಗೃತ ದಳ ಸಿಬ್ಬಂದಿ ಕಾರ್ಯಾಚರಣೆ  ಇತ್ಯಾದಿ ಕ್ರಮಗಳನ್ನು ಪರಿಷ್ಕೃತ ಯೋಜನೆಯಲ್ಲಿ ಅಳವಡಿಸಲಾಗಿದೆ.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry