‘ಗತ ವೈಭವ ಮರಳಲಿ’

7

‘ಗತ ವೈಭವ ಮರಳಲಿ’

Published:
Updated:

ಬೆಂಗಳೂರು: ‘ಮೇಯೋ ಹಾಲ್‌ ವಿಭಾಗದ ವಕೀಲರ ಸಂಘಕ್ಕೆ ತನ್ನದೇ ಆದ ಇತಿಹಾಸ, ವೈಭವ ಹಾಗೂ ಅಸ್ತಿತ್ವ ಇತ್ತು. ಆದರೆ ಆ ಗತ ವೈಭವ ಈಗ ಉಳಿದಿಲ್ಲ’ ಎಂದು ಹೈಕೋರ್ಟ್ ನ್ಯಾಯಮೂರ್ತಿ ಕೆ.ಎಲ್‌.­ಮಂಜು­ನಾಥ್‌ ಬೇಸರ ವ್ಯಕ್ತಪಡಿಸಿದರು.



ಮೇಯೋ ಹಾಲ್‌ ವಿಭಾಗದಲ್ಲಿ ನವೀಕರಣಗೊಂಡ ವಕೀಲರ ಸಂಘದ ಸಭಾಂಗಣವನ್ನು ಬುಧವಾರ ಉದ್ಘಾ­ಟನೆ ಮಾಡಿ ಮಾತನಾಡಿದ ಅವರು,  ಆ ಗತ ವೈಭವವನ್ನು ಮರು ಸೃಷ್ಟಿ­ಸುವ ಜವಾಬ್ದಾರಿ ಯುವ ವಕೀಲರ ಮೇಲಿದೆ’ ಎಂದರು.



ಹಾಗೆಯೇ ಕೆಲಸದ ವೇಳೆ ಶಿಸ್ತನ್ನು ಕಾಪಾಡಿಕೊಳ್ಳ­ಲಾಗು­ತ್ತಿತ್ತು ಎಂದು ಹಳೇ ನೆನಪು ಮೆಲಕು ಹಾಕಿದರು.



ರಾಜ್ಯ ವಕೀಲರ ಪರಿಷತ್ತಿನ ಮಾಜಿ ಅಧ್ಯಕ್ಷ ಮುನಿಯಪ್ಪ ಮಾತ­ನಾಡಿ, ವಕೀಲರಿಗೆ ನೀಡುವ ಕಲ್ಯಾಣ ನಿಧಿ­ಹಾಗೂ ಪರಿಹಾರ ನಿಧಿ ಹೆಚ್ಚಿಸಲು ಪ್ರಯತ್ನ ನಡೆಸ­ಲಾಗುತ್ತಿದೆ. ಅದರಲ್ಲೂ 4 ಲಕ್ಷ ಇರುವ ಪರಿಹಾರ ನಿಧಿ 7 ಲಕ್ಷಕ್ಕೆ ಏರಿಸಲು ವಕೀಲರ ಪರಿಷತ್ತಿನ ಸಭೆ ಕರೆಯಲಾಗಿದೆ ಎಂದು ತಿಳಿಸಿದರು.



ಹಿರಿಯರು ಬಿಟ್ಟು ಹೋದ ಹೆಜ್ಜೆ ಗುರುತನ್ನು ಯುವ ವಕೀ­ಲರು ಪಾಲಿಸುವುದರ ಜೊತೆಗೆ ವೃತ್ತಿ ಗೌರವವನ್ನು ಕಾಪಾಡಬೇಕು ಎಂದು ಕಿವಿ ಮಾತು ಹೇಳಿದರು.



ಪ್ರಧಾನ ನಗರ ಸಿವಿಲ್‌ ಮತ್ತು ಸೆಷನ್ಸ್‌ ನ್ಯಾಯಾಧೀಶೆ ರತ್ನಕಲಾ, ವಕೀಲರ ಸಂಘದ ಅಧ್ಯಕ್ಷ ಕೆ.ಎನ್‌.­ಸುಬ್ಬಾರೆಡ್ಡಿ ಇತರರಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry