‘ಗುಣಮಟ್ಟದ ಕಾಮಗಾರಿಗೆ ಆದ್ಯತೆ’

7

‘ಗುಣಮಟ್ಟದ ಕಾಮಗಾರಿಗೆ ಆದ್ಯತೆ’

Published:
Updated:

ರಾಣೆಬೆನ್ನೂರು: ‘ಗುತ್ತಿಗೆದಾರರು ಗುಣ­ಮಟ್ಟದ ಕಾಮಗಾರಿಗೆ ಹೆಚ್ಚಿನ ಆದ್ಯತೆ ನೀಡಬೇಕು. ನಗರದ ಅಭಿವೃದ್ಧಿಗೆ ಸರ್ವ ಸದಸ್ಯರು ಸದಸ್ಯರು ಪಕ್ಷ ಬೇಧ ಮರೆತು ನಗರದ ಅಭಿವೃದ್ಧಿಗೆ ಶ್ರಮಿಸಬೇಕು’ ಎಂದು ಶಾಸಕ ಕೆ.ಬಿ.ಕೋಳಿವಾಡ ಹೇಳಿದರು.



ಇಲ್ಲಿನ ಅಶೋಕ ವೃತ್ತದಲ್ಲಿ ಸೋಮ­ವಾರ ಮುಖ್ಯಮಂತ್ರಿಗಳ ನಗರೋತ್ಥಾನ ಯೋಜನೆಯ ಸಣ್ಣ, ಅತೀ ಸಣ್ಣ ಮತ್ತು ದೊಡ್ಡ ನಗರಗಳನ್ನು ಅಭಿವೃದ್ಧಿ ಪಡಿ­ಸುವ ಯೋಜನೆ ಅಡಿಯಲ್ಲಿ ನಗರಕ್ಕೆ ಬಿಡುಗಡೆಯಾದ ರೂ. 15 ಕೋಟಿ ಅನು­ದಾನದಲ್ಲಿ ನಗರಸಭೆಯ ವಿವಿಧ ಕಾಮಗಾರಿಗಳಿಗೆ ಭೂಮಿಪೂಜೆ ನೆರವೇ­ರಿಸಿ ಅವರು ಮಾತನಾಡಿದರು.



‘ರೂ.12 ಕೋಟಿ ಕಾಂಕ್ರಿಟ್ ರಸ್ತೆ ಡಾಂಬರೀಕರಣ ಕಾಮಗಾರಿಗೆ ಮತ್ತು ರೂ. 3 ಕೋಟಿ ಅನುದಾನ ಒಳಚರಂಡಿ ಕಾಮ­ಗಾರಿಗೆ ಬಿಡುಗಡೆಯಾಗಿದೆ. ನೂತನ ಕಾಂಗ್ರೆಸ್‌ ಸರ್ಕಾರ ಆಡಳಿತಕ್ಕೆ ಬಂದ ಮೇಲೆ ನಗರಕ್ಕೆ ರೂ. 35 ಕೋಟಿ ಅನುದಾನ ಮಂಜೂರಾಗಿದೆ’ ಎಂದರು.



‘ನಗರದ ದೊಡ್ಡಕರೆಗೆ ರೂ. 20 ಕೋಟಿ ಅನುದಾನ ಬಿಡುಗಡೆಯಾಗಿದ್ದು, ಕೆರೆ ಅಭಿವೃದ್ಧಿ ಕಾಮಗಾರಿಗಳನ್ನು ಶೀಘ್ರವೇ ಕೈಗೆತ್ತಿಕೊಳ್ಳಲಾಗುವುದು. ಅಲ್ಲದೆ ನಗ­ರದ ವಿವಿಧ ವಾರ್ಡ್ ಗಳಲ್ಲಿ ಕಾಂಕ್ರಿಟ್ ರಸ್ತೆ ಕಾಮಗಾರಿಯನ್ನು ಶೀಘ್ರವೇ ಕೈಗೆ­ತ್ತಿ­ಕೊಳ್ಳಲಾಗುವುದು’ ಎಂದು ತಿಳಿಸಿ­ದರು.



‘ಕೊಳಚೆ ಪ್ರದೇಶದ ಜನರು ನೆಮ್ಮದಿಯಿಂದ ಬದುಕಬೇಕು. ಚುನಾ­ವಣೆ ಸಮಯದಲ್ಲಿ ನೀಡಿದ್ದ ಭರವಸೆಗಳ ಈಡೇರಿಕೆಗೆ ಪ್ರಾಮಾಣಿ­ಕವಾಗಿ ಶ್ರಮಿ­ಸುತ್ತೇನೆ’ ಎಂದು ಶಾಸಕ ಕೋಳಿವಾಡ ಭರವಸೆ ನೀಡಿದರು.



ನಗರಸಭೆ ಅಧ್ಯಕ್ಷ ಪಾರ್ವತೇಮ್ಮ ಹಲ್ಡೀಲ್ಡರ್ ಅಧ್ಯಕ್ಷತೆ ವಹಿಸಿದ್ದರು. ಉಪಾಧ್ಯಕ್ಷ ಶಿವಪ್ಪ ಮಣೇಗಾರ, ಸದ­ಸ್ಯರಾದ ಪುಟ್ಟಪ್ಪ ಮರಿಯಮ್ಮ­ನವರ, ರಾಘವೇಂದ್ರ ಚಿನ್ನಿಕಟ್ಟಿ, ಬಸವ­ರಾಜ ಹುಚಗೊಂಡರ, ವೀರಣ್ಣ ಮಾಕ-­ನೂರು, ಶಶಿಧರ ಬಸೆನಾಯಕ ಮತ್ತು ಪ್ರಕಾಶ ಜೈನ, ಕೆ.ಡಿ.ಸಾವುಕಾರ ಉಪಸ್ಥಿ­ತರಿದ್ದರು. ನಗ­ರ­ಸಭೆ ಎಂಜಿನಿ­ಯರ್‌ ಬಿ.ಎಸ್‌.­ಪಾಟೀಲ ಪ್ರಾಸ್ತಾ­ವಿಕವಾಗಿ ಮಾತನಾ­ಡಿದರು. ಜಿ.ಜಿ.­ಕಾಟಿ ರಮ ನಿರೂಪಿಸಿ­ದರು. ನಂದೆಪ್ಪ ವಂದಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry