‘ಪ್ರಶಸ್ತಿಯಿಂದ ಜವಾಬ್ದಾರಿ ಹೆಚ್ಚಿದೆ’

7

‘ಪ್ರಶಸ್ತಿಯಿಂದ ಜವಾಬ್ದಾರಿ ಹೆಚ್ಚಿದೆ’

Published:
Updated:
‘ಪ್ರಶಸ್ತಿಯಿಂದ ಜವಾಬ್ದಾರಿ ಹೆಚ್ಚಿದೆ’

ಹೊಸಪೇಟೆ: ‘ಪ್ರಶಸ್ತಿಯಿಂದ ಜವಾ­ಬ್ದಾರಿ ಹೆಚ್ಚಿದೆ’ ಎಂದು ಹೂವಿನಹಡ­ಗಲಿಯ ಪಂಚಶಿಲ್ಪ ಕಲಾವಿದ ಜಿ.ಬಿ.ಹಂಸಾನಂದಾಚಾರ್ಯ  ಪ್ರತಿಕ್ರಿ­ಯಿಸಿ­ದ್ದಾರೆ.



1932ರ ಆಗಸ್ಟ್‌ 2ರಂದು ಹೂವಿನಹಡಗಲಿ ತಾಲ್ಲೂಕಿನ ಇಟಗಿ ಗ್ರಾಮದಲ್ಲಿ ಜನಿಸಿದ ಅವರು

ವಂಶ ಪರಂಪರೆಯಿಂದ ಬಂದ ಶಿಲ್ಪ ಕಲೆಯನ್ನು ತಮ್ಮ 13ನೇ ವಯಸ್ಸಿನಿಂದಲೇ ಮೈಗೂ­ಡಿಸಿಕೊಂಡವರು.



7ನೇ ತರಗತಿ ವರೆಗೆ ವಿದ್ಯಾಭ್ಯಾಸ ಮಾಡಿದ್ದು, ಮುಖ್ಯವಾಗಿ ಪಂಚಶಿಲ್ಪ (ಶಿಲಾಶಿಲ್ಪ, ಮರಶಿಲ್ಪ, ಲೋಹಶಿಲ್ಪ, ಸಿಮೆಂಟ್‌ ಶಿಲ್ಪ ಹಾಗೂ ಸಂಕಿರಣ ಮಾಧ್ಯಮ ಶಿಲ್ಪ) ಕಲೆಯಲ್ಲಿ ಅಪಾರ ಸಾಧನೆ ಮಾಡಿದ್ದಾರೆ. ಶಿಲೆ, ಕಾಷ್ಠ, ಲೋಹ (ಎರಕದ ವಿಗ್ರಹ ಮತ್ತು ಕವಚ) ವಿಗ್ರ­ಹಗಳು, ವಿಮಾನ ಗೋ­ಪುರ, ದೇವಾ­ಲಯದ ದ್ವಾರ, ಮಣ್ಣು ಮತ್ತು ಪ್ಲಾಸ್ಟರ್‌ ಆಫ್‌ ಪ್ಯಾರಿಸ್‌ನಿಂದಲೂ ವಿಗ್ರಹ ತಯಾರಿಕೆಯೊಂದಿಗೆ ಸಂಗೀತ ವಾದ್ಯಗಳನ್ನು  ಸಿದ್ಧಪಡಿಸುವುದು ಇವರ ವೈಶಿಷ್ಟ್ಯಗಳಲ್ಲೊಂದು.     



ಲೋಹಗಳಿಂದ ದೇವರ ರಥ ತಯಾ­ರಿ­ಸು­ವುದರಲ್ಲಿ ಅವರು ನಿಪುಣರು. ಸದ್ಯಕ್ಕೆ ಹೂವಿನ

ಹಡಗಲಿ­ಯಲ್ಲಿ ಶ್ರೀ ಭುವನೇಶ್ವರಿ ಶಿಲ್ಪಕಲಾ ನಿಕೇತನದ ಮೂಲಕ ಶಿಲ್ಪಕಲಾ ಆಸಕ್ತರಿಗೆ ತರಬೇತಿ ನೀಡುತ್ತಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry