1,540ಕೋಟಿ ದಾನ ಪ್ರಕಟಿಸಿದ ಜಿಎಂ. ರಾವ್

ಬೆಂಗಳೂರು: ಸಮಾಜದ ಅವಕಾಶ ವಂಚಿತರ ಅಗತ್ಯಗಳನ್ನು ಪೂರೈಸುವ ಉದ್ದೇಶದ ಚಟುವಟಿಕೆ ಮತ್ತು ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲು ` 1,540 ಕೋಟಿಗಳನ್ನು ದಾನ ನೀಡುವುದಾಗಿ ಜಿಎಂಆರ್ ಸಮೂಹದ ಅಧ್ಯಕ್ಷ ಜಿ. ಎಂ. ರಾವ್ ಅವರು ಪ್ರಕಟಿಸಿದ್ದಾರೆ.

  ‘ಜಿಎಂಆರ್ ವರಲಕ್ಷ್ಮಿ ಫೌಂಡೇಷನ್’ ದಾನ ಧರ್ಮದ ಚಟುವಟಿಕೆಗಳನ್ನು ಕಾರ್ಯಗತಗೊಳಿಸಲು ಈ ಮೊತ್ತ ಸದ್ಬಳಕೆ ಆಗಲಿದೆ.‘ನಮ್ಮ ಯಶಸ್ಸಿನಲ್ಲಿನ ಕೆಲ ಭಾಗವನ್ನು ಸಮಾಜಕ್ಕೆ ಮರಳಿ ನೀಡಬೇಕು ಎನ್ನುವ ತತ್ವ  ಪಾಲಿಸಬೇಕೆಂದು ನಾನು ನನ್ನ ಉದ್ದಿಮೆ ವಹಿವಾಟಿನ ಆರಂಭದ ದಿನದಿಂದಲೂ ನಂಬಿಕೊಂಡು ಬಂದಿರುವೆ’ ಎಂದು ರಾವ್  ಹೇಳಿದ್ದಾರೆ.