2012: ವಿಮಾನಯಾನದ ಅತ್ಯಂತ ಸುರಕ್ಷಿತ ವರ್ಷ

3

2012: ವಿಮಾನಯಾನದ ಅತ್ಯಂತ ಸುರಕ್ಷಿತ ವರ್ಷ

Published:
Updated:

ಮಾಸ್ಕೊ (ಐಎಎನ್‌ಎಸ್): ಪ್ರಸಕ್ತ ವರ್ಷದಲ್ಲಿ ಅತಿ ಕಡಿಮೆ ಸಂಖ್ಯೆಯಲ್ಲಿ ವಿಮಾನಗಳು ಅಪಘಾತಕ್ಕೆ ಈಡಾಗಿದ್ದು, 2012 ನಾಗರಿಕ ವಿಮಾನಯಾನ ಕ್ಷೇತ್ರದಲ್ಲೇ ಅತ್ಯಂತ ಸುರಕ್ಷಿತ ವರ್ಷ ಎನ್ನಲಾಗಿದೆ.



ಅಂತರರಾಷ್ಟ್ರೀಯ ವಿಮಾನ ಸಾರಿಗೆ ಸಂಘ (ಐಎಟಿಎ) ಈ ಮಾಹಿತಿ ನೀಡಿದೆ. ಜಗತ್ತಿನಾದ್ಯಂತ 240 ವಿಮಾನ ಸಂಸ್ಥೆಗಳು ಈ ಸಂಘದ ಸದಸ್ಯತ್ವ ಹೊಂದಿವೆ. ತನ್ನ ಸಂಘದ ಸದಸ್ಯರು ಒಂದೇ ಒಂದು ವಿಮಾನ ಅಪಘಾತವಾಗಿರುವ ಮಾಹಿತಿ ನೀಡಿಲ್ಲ ಎಂದು `ಐಎಟಿಎ' ಹೇಳಿದ್ದಾಗಿ ಗಾರ್ಡಿಯನ್ ಪತ್ರಿಕೆ ವರದಿ ಮಾಡಿದೆ.



ವಿಮಾನ ಅಪಘಾತದ ಸಾಧ್ಯತೆ ಕುರಿತು ಮಾಹಿತಿ ನೀಡಿರುವ ಸಂಸ್ಥೆ, 4.7 ಲಕ್ಷ ಸಲ ವಿಮಾನ ಹಾರಾಟ ನಡೆದಾಗ ಒಂದು ಸಲ ಅಪಘಾತ ಸಂಭವಿಸುವ ಸಾಧ್ಯತೆಯಿದೆ ಎಂದು ಪತ್ರಿಕೆಯಲ್ಲಿ ವಿವರಿಸಲಾಗಿದೆ.



ಈ ಸಂಸ್ಥೆಯ ಸದಸ್ಯರಲ್ಲದ ಎರಡು ಏರ್‌ಲೈನ್ಸ್‌ಗಳಿಗೆ ಸೇರಿದ ವಿಮಾನಗಳು 2012ರಲ್ಲಿ ಅಪಘಾತಕ್ಕೀಡಾಗಿದ್ದವು. ಏಪ್ರಿಲ್‌ನಲ್ಲಿ ಪಾಕಿಸ್ತಾನದಲ್ಲಿ ಭೋಜ ವಿಮಾನಯಾನ ಸಂಸ್ಥೆಗೆ ಸೇರಿದ ವಿಮಾನ ಅಪಘಾತಕ್ಕೀಡಾಗಿ 127 ಮಂದಿ ಸಾವನ್ನಪ್ಪಿದ್ದರು. ಜೂನ್ ತಿಂಗಳಲ್ಲಿ ನೈಜಿರಿಯಾದಲ್ಲಿ ಸಂಭವಿಸಿದ ಅಪಘಾತದಲ್ಲಿ 150 ಮಂದಿ ಬಲಿಯಾಗಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry