7

ವಾಯುಪಡೆ ಮಾಜಿ ಮುಖ್ಯಸ್ಥ ಎಸ್.ಪಿ ತ್ಯಾಗಿ ₹362 ಕೋಟಿ ಲಂಚ ಪಡೆದಿದ್ದಾರೆ: ಸಿಬಿಐ

Published:
Updated:
ವಾಯುಪಡೆ ಮಾಜಿ ಮುಖ್ಯಸ್ಥ ಎಸ್.ಪಿ ತ್ಯಾಗಿ ₹362 ಕೋಟಿ ಲಂಚ ಪಡೆದಿದ್ದಾರೆ: ಸಿಬಿಐ

ನವದೆಹಲಿ: ಆಗಸ್ಟಾವೆಸ್ಟ್‌­ಲ್ಯಾಂಡ್‌ ಹೆಲಿಕಾಪ್ಟರ್‌ ಖರೀದಿ ಹಗರ­ಣಕ್ಕೆ ಸಂಬಂಧಿಸಿದಂತೆ ವಾಯು­ಪಡೆ ಮಾಜಿ ಮುಖ್ಯಸ್ಥ ಎಸ್.ಪಿ.ತ್ಯಾಗಿ ₹362 ಕೋಟಿ ಲಂಚ ಪಡೆದಿದ್ದಾರೆ ಎಂದು ಸಿಬಿಐ ಹೇಳಿದೆ. ಆಗಸ್ಟಾವೆಸ್ಟ್‌­ಲ್ಯಾಂಡ್‌ ಹೆಲಿಕಾಪ್ಟರ್ ಖರೀದಿ ಹಗರಣ ಪ್ರಕರಣದಲ್ಲಿ ಸಿಬಿಐ ಸಲ್ಲಿಸಿದ ಆರೋಪ ಪಟ್ಟಿಯಲ್ಲಿ ಈ ವಿಷಯ ಉಲ್ಲೇಖಿಸಲಾಗಿದೆ ಎಂದು ಇಂಡಿಯಾ ಟುಡೇ ಟಿವಿ ವರದಿ ಮಾಡಿದೆ.

₹362 ಕೋಟಿ ವ್ಯವಹಾರ ನಡೆಸುವ ಸಂಚು ನಡೆಸಿ ಅದಕ್ಕೆ ತ್ಯಾಗಿ ನೇತೃತ್ವ ನೀಡಿದ್ದಾರೆ ಎಂದು ಆರೋಪ ಪಟ್ಟಿಯಲ್ಲಿ ಹೇಳಲಾಗಿದೆ. ಈ ಸಂಚಿನಲ್ಲಿ ಆಗ ಏರ್ ಮಾರ್ಷಲ್ ಆಗಿದ್ದ ಜೆ ಎಸ್ ಗುಜರಾಲ್ ಕೂಡಾ ಭಾಗಿಯಾಗಿದ್ದರು ಎಂದು ಸಿಬಿಐ ಹೇಳಿದೆ. ಇಟೆಲಿಯ ಮಧ್ಯವರ್ತಿ ಕಾರ್ಲೊ ಗೆರೊಸಾ, ಕ್ರಿಶ್ಚಿಯನ್‌ ಮೈಕೆಲ್‌, ಗೈಡೊ ಹಶ್ಕೆ ಸೇರಿದಂತೆ ಆಗಸ್ಟಾವೆಸ್ಟ್‌­ಲ್ಯಾಂಡ್‌‍ನ ಅಧಿಕಾರಿಗಳು ಕೂಡಾ ಈ ಪ್ರಕರಣದಲ್ಲಿ ಭಾಗಿಯಾಗಿದ್ದಾರೆ.

ಅತಿಗಣ್ಯರ ಬಳಕೆಗಾಗಿ 12 ಹೆಲಿ­ಕಾಪ್ಟರ್‌ಗಳನ್ನು ಖರೀದಿಸುವ ವಾಯು­ಪಡೆ ಯೋಜನೆಯಲ್ಲಿ ಆಗಸ್ಟಾವೆಸ್ಟ್‌­ಲ್ಯಾಂಡ್, ತನ್ನ ಜತೆ ವ್ಯವಹಾರ ಕುದುರಿ­ಸಲು ಆಗ ವಾಯು­ಪಡೆ ಮುಖ್ಯಸ್ಥರಾ­ಗಿದ್ದ ಎಸ್.ಪಿ.­ತ್ಯಾಗಿ ಹಾಗೂ ಅವರ ಸಂಬಂಧಿ­­ಗಳಿಗೆ ಮಧ್ಯ­ವರ್ತಿ­ಗಳ ಮೂಲಕ 362 ಕೋಟಿ  ಲಂಚ ನೀಡಿದ್ದಾರೆ ಎಂಬುದು ತ್ಯಾಗಿ ಮೇಲಿರುವ ಆರೋಪ.

2005ರಲ್ಲಿ ನಡೆದ ಸಭೆಯಲ್ಲಿ,  ಹೆಲಿ­ಕಾಪ್ಟರ್‌ಗಳು ಹಾರಾಡುವ ಗರಿಷ್ಠ ಎತ್ತರದ ಮಿತಿಯನ್ನು 18,000 ಅಡಿ­ಯಿಂದ 15,000 ಅಡಿಗೆ ಇಳಿಸಲು ನಿರ್ಧಾರ ತೆಗೆದುಕೊಳ್ಳಲಾಗಿತ್ತು. ಇದ­ರಿಂದಾಗಿಯೇ ಟೆಂಡರ್ ಪ್ರಕ್ರಿಯೆ­ಯಲ್ಲಿ ಆಗಸ್ಟಾವೆಸ್ಟ್‌ಲ್ಯಾಂಡ್ ಪಾಲ್ಗೊ­ಳ್ಳಲು ಸಾಧ್ಯವಾಗಿತ್ತು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry