ಬ್ಯೂನಸ್ ಐರಿಸ್ (ಎಎಫ್ಪಿ): ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ 125ನೇ ಮಹಾ ಸಮ್ಮೇಳನದಲ್ಲಿ ಮೂರು ಪ್ರಮುಖ ವಿಷಯಗಳು ಚರ್ಚೆಯಾಗಲಿವೆ. ಐಒಸಿ ಮುಂದಿನ ಅಧ್ಯಕ್ಷರ ಆಯ್ಕೆಯೂ ಇದರಲ್ಲಿ ಒಂದಾಗಿದೆ. 2016ರ ಒಲಿಂಪಿಕ್ಸ್ ರಿಯೋ ಡಿ ಜನೈರೋದಲ್ಲಿ ನಡೆಯಲಿದೆ. ಆದರೆ, 2020ರ ಒಲಿಂಪಿಕ್ಸ್ಗೆ ಆತಿಥ್ಯ ವಹಿಸಲು ಮ್ಯಾಡ್ರಿರ್ಡ್, ಟೋಕಿಯೊ ಮತ್ತು ಇಸ್ತಾಂಬುಲ್ ನಡುವೆ ಪೈಪೋಟಿ ಏರ್ಪಟ್ಟಿದೆ.
‘2020ರ ಒಲಿಂಪಿಕ್ಸ್ಗೆ ಆತಿಥ್ಯ ವಹಿಸುವ ರಾಷ್ಟ್ರಗಳ ನಿರ್ಧಾರ ಮತ್ತು ಸ್ಥಾನ ಪಡೆಯುವ ಕ್ರೀಡೆಗಳ ಬಗ್ಗೆ ಪಾರದರ್ಶಕವಾಗಿ, ನ್ಯಾಯಯುತವಾಗಿ ತೀರ್ಮಾನ ಕೈಗೊಳ್ಳುತ್ತೇವೆ. ಇದರಲ್ಲಿ ಯಾವುದೇ ತಾರತಮ್ಯ ನಡೆಯುವುದಿಲ್ಲ’ ಎಂದು ಐಒಸಿ ಅಧ್ಯಕ್ಷ ಜಾಕಸ್ ರೋಗ್ ಹೇಳಿದ್ದಾರೆ.