22, 23ರಂದು ಬ್ಯಾಂಕ್ ಮುಷ್ಕರ

ಭಾನುವಾರ, ಮೇ 26, 2019
27 °C

22, 23ರಂದು ಬ್ಯಾಂಕ್ ಮುಷ್ಕರ

Published:
Updated:

ಮುಂಬೈ (ಐಎಎನ್‌ಎಸ್):  ಬ್ಯಾಂಕಿಂಗ್ ಕಾಯ್ದೆಗೆ ತಿದ್ದುಪಡಿ ತರುವುದು ವಿರೋಧಿಸಿ ಆಗಸ್ಟ್ 22 ಮತ್ತು 23ರಂದು ಎರಡು ದಿನಗಳ ದೇಶವ್ಯಾಪಿ ಮುಷ್ಕರಕ್ಕೆ ಬ್ಯಾಂಕ್ ಕಾರ್ಮಿಕ ಒಕ್ಕೂಟಗಳ ಸಂಯುಕ್ತ ವೇದಿಕೆ (ಯುಎಫ್‌ಬಿಯು) ಕರೆ ನೀಡಿದೆ.



ಸರ್ಕಾರಿ ಸ್ವಾಮ್ಯದ 27,  ಖಾಸಗಿ ವಲಯದ 12 ಮತ್ತು 8 ವಿದೇಶಿ ಬ್ಯಾಂಕುಗಳ 10 ಲಕ್ಷಕ್ಕೂ ಹೆಚ್ಚಿನ ನೌಕರರು ಮುಷ್ಕರದಲ್ಲಿ ಭಾಗವಹಿಸಲಿದ್ದು, ಎರಡು ದಿನಗಳ ಕಾಲ ಬ್ಯಾಂಕಿಂಗ್ ಚಟುವಟಿಕೆಗಳು ಸಂಪೂರ್ಣ ಸ್ಥಗಿತಗೊಳ್ಳಲಿವೆ ಎಂದು ಅಖಿಲ ಭಾರತ ಬ್ಯಾಂಕ್ ನೌಕರರ ಸಂಘಟನೆ ಕಾರ್ಯದರ್ಶಿ ವಿಶ್ವಾಸ್ ಉಟಗಿ ಸೋಮವಾರ ಇಲ್ಲಿ ಸುದ್ದಿಗಾರರಿಗೆ ತಿಳಿಸಿದ್ದಾರೆ. 



ತಿದ್ದುಪಡಿಗೆ ವಿರೋಧ

1949ರ ಬ್ಯಾಂಕಿಂಗ್ ನಿಯಂತ್ರಣ ಕಾಯ್ದೆಗೆ ತಿದ್ದುಪಡಿ ತರುವ ಮೂಲಕ ಸರ್ಕಾರ ದೇಶೀಯ ಬ್ಯಾಂಕಿಂಗ್ ವಲಯದಲ್ಲಿ ವಿದೇಶಿ ನೇರ ಬಂಡವಾಳ ಹೂಡಿಕೆಗೆ       (ಎಫ್‌ಡಿಐ) ಅವಕಾಶ ಮಾಡಿಕೊಡಲು ಹೊರಟಿದೆ. ದೇಶದ ಖಾಸಗಿ ಬ್ಯಾಂಕುಗಳನ್ನು ಬಹುರಾಷ್ಟ್ರೀಯ ಬ್ಯಾಂಕುಗಳು ಸ್ವಾಧೀನಪಡಿಸಿಕೊಳ್ಳಲು ಇದು ರಹದಾರಿ ನಿರ್ಮಿಸುತ್ತದೆ.

ಇದರ ಜತೆಗೆ ಗ್ರಾಮೀಣ ಬ್ಯಾಂಕ್ ಶಾಖೆಗಳನ್ನು ಸ್ಥಗಿತಗೊಳಿಸಿ ಕಾರ್ಪೊರೇಟ್ ಕಂಪೆನಿಗಳಿಗೆ ಬ್ಯಾಂಕುಗಳನ್ನು ಪ್ರಾರಂಭಿಸಲು ಅನುಮತಿ ನೀಡುವ ಕುರಿತೂ ಸರ್ಕಾರ ಉತ್ಸಾಹ ತೋರಿದೆ. ಕಾಯ್ದೆ ತಿದ್ದುಪಡಿಯಿಂದ ಬ್ಯಾಂಕಿಂಗ್ ವಲಯದ ಕೆಲಸ ಹೊರಗುತ್ತಿಗೆ ನೀಡಲೂ ಅವಕಾಶ ಲಭಿಸುತ್ತದೆ. ಕೇಂದ್ರದ ಈ ಎಲ್ಲ ಕಾರ್ಮಿಕ ವಿರೋಧಿ ನೀತಿ ವಿರೋಧಿಸಿ ದೇಶದ ವಿವಿಧ ಭಾಗಗಳಲ್ಲಿ ಬುಧವಾರ ಮತ್ತು ಗುರುವಾರ ಬೃಹತ್ ಪ್ರತಿಭಟನೆ ನಡೆಯಲಿವೆ ಎಂದು ಉಟಗಿ ಹೇಳಿದ್ದಾರೆ.



ರಾಜ್ಯದಲ್ಲೂ ಪ್ರತಿಭಟನೆ

ಆಗಸ್ಟ್ 22 ಮತ್ತು 23ರಂದು ಮುಷ್ಕರದ ಅಂಗವಾಗಿ ಬೆಂಗಳೂರಿನಲ್ಲಿ  ಕಾರ್ಮಿಕರ ರ‌್ಯಾಲಿ ನಡೆಯಲಿದೆ ಎಂದು `ಯುಎಫ್‌ಬಿಯು~ ರಾಜ್ಯ ಸಮಿತಿ ಸಂಘಟಕ ಬಿ.ಎಸ್ ರವೀಂದ್ರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry