ಹುಬ್ಬಳ್ಳಿ: ಒಂದು, ಎರಡು, ಮೂರು.... ಕಪ್ಗಟ್ಟಲೆ ಐಸ್ಕ್ರೀಮ್ಗಳು ಕ್ಷಣಾರ್ಧದಲ್ಲಿ ಗುಳುಂ. ಕೆಲವರು ನುಂಗಲಾರದೇ ನುಂಗಿದರು, ಕಣ್ಣಲ್ಲಿ ನೀರು ತುಂಬಿಕೊಂಡರೂ ಬಿಡದೇ ತಿಂದರು. ಹತ್ತು ನಿಮಿಷಗಳ ಅವಧಿಯಲ್ಲಿ ಬರೋಬ್ಬರಿ ಐವತ್ತು ಕಪ್ ತಿಂದು ಸ್ಪರ್ಧೆಯಲ್ಲಿ ಗೆದ್ದರು.
ಎಚ್.ಡಿ. ಕುಮಾರಸ್ವಾಮಿ ಅಭಿಮಾನಿ ಬಳಗವು ನಗರದ ಅಳಗುಂಡಗಿ ಓಣಿಯಲ್ಲಿ ಬುಧವಾರ ಆಯೋಜಿಸಿದ್ದ ಐಸ್ಕ್ರೀಮ್ ತಿನ್ನುವ ಸ್ಪರ್ಧೆಯು ರೋಚಕವಾಗಿತ್ತು. ಸ್ಪರ್ಧಿಗಳಿಗೆ ಮಾತ್ರವಲ್ಲದೆ ವೀಕ್ಷಕರಿಗೂ ರಸದೌತಣ ನೀಡಿತು.
ಒಟ್ಟು 25 ಸ್ಪರ್ಧಿಗಳು ಭಾಗವಹಿಸಿದ್ದ ಈ ಸ್ಪರ್ಧೆಯಲ್ಲಿ ಐಸ್ಕ್ರೀಮ್ ತಿನ್ನಲು ಹತ್ತು ನಿಮಿಷಗಳ ಸಮಯ ನೀಡಲಾಗಿತ್ತು. ಈ ಅವಧಿಯಲ್ಲಿ ಅತಿಹೆಚ್ಚು ಐಸ್ಕ್ರೀಮ್ ತಿಂದವರಿಗೆ ವಿಜಯಿ ಪಟ್ಟ ಎಂದು ಘೋಷಿಸಲಾಯಿತು.