ನವದೆಹಲಿ (ಪಿಟಿಐ): ತರಂಗಾಂತರ ಪರವಾನಗಿ ಶುಲ್ಕವನ್ನು ಆರು ಪಟ್ಟು ಹೆಚ್ಚಿಸಿ ಶಿಫಾರಸು ಮಾಡಿರುವ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್), 6.2 ವೆುಗಾಹರ್ಟ್ಜ್ ತರಂಗಾಂತರ ಬಳಕೆಗೆ ಪರವಾನಗಿ ನೀಡಲು ರೂ 10,972.45 ಕೋಟಿ ದರ ನಿಗದಿ ಮಾಡಿದೆ. 2ಜಿ ತರಂಗಾಂತರ ಹಂಚಿಕೆ ಹಗರಣದಿಂದ ಆಗಿರುವ ನಷ್ಟದ ಪ್ರಮಾಣ ಅಂದಾಜಿಸಲು ಮಹಾಲೇಖಪಾಲರು (ಸಿಎಜಿ) ನಿಗದಿ ಮಾಡಿದ್ದ ದರಕ್ಕೆ ಇದು ಹತ್ತಿರವಾಗಿದೆ.ಇದರಿಂದಾಗಿ 2008ರಲ್ಲಿ 2 ಜಿ ತರಂಗಾಂತರವನ್ನು ನಿಯಮಕ್ಕನುಗುಣವಾಗಿ ಹಂಚಿಕೆ ಮಾಡಿದ್ದರೆ 65,834.7 ಕೋಟಿ ರೂಪಾಯಿ ಆದಾಯ ಬರುವ ಸಾಧ್ಯತೆ ಇತ್ತು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.ಇದರ ಜತೆಗೆ ಕೆಲವೇ ವೃತ್ತಗಳಿಗೆ ಅನ್ವಯವಾಗುವಂತೆ ಪರವಾನಗಿ ಪಡೆದ ಕಂಪೆನಿಗಳಿಂದ ಇನ್ನಷ್ಟು ಆದಾಯ ಬರುತ್ತಿತ್ತು ಎಂದೂ ಟ್ರಾಯ್ ಅಭಿಪ್ರಾಯಪಟ್ಟಿದೆ.