640 ಹುದ್ದೆಗೆ 1.80 ಲಕ್ಷ ಅರ್ಜಿ!

ಶುಕ್ರವಾರ, ಜೂಲೈ 19, 2019
23 °C
`ಎಸ್‌ಎಐಎಲ್' ವ್ಯವಸ್ಥಾಪಕರಾಗುವ ಅವಕಾಶ

640 ಹುದ್ದೆಗೆ 1.80 ಲಕ್ಷ ಅರ್ಜಿ!

Published:
Updated:

ನವದೆಹಲಿ(ಪಿಟಿಐ): ಸರ್ಕಾರಿ ಸ್ವಾಮ್ಯದ ಭಾರತೀಯ ಉಕ್ಕು ಪ್ರಾಧಿಕಾರ (ಎಸ್‌ಎಐಎಲ್) ಇತ್ತೀಚೆಗೆ 640 ವ್ಯವಸ್ಥಾಪಕರ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿತ್ತು. ಇದಕ್ಕೆ  ಅರ್ಜಿ ಸಲ್ಲಿಸಿರುವ ಎಂಜಿನಿಯರಿಂಗ್ ಪದವೀಧರರ ಸಂಖ್ಯೆ 1.80 ಲಕ್ಷ!



ದೇಶದಾದ್ಯಂತ ಇರುವ ಪ್ರಮುಖ ಎಂಜಿನಿಯರಿಂಗ್ ಕಾಲೇಜುಗಳಿಂದ ಪದವೀಧರರು ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಿದ್ದಾರೆ. ನಿರೀಕ್ಷೆಗೂ ಮೀರಿ ಅರ್ಜಿಗಳ ಪ್ರವಾಹವೇ ಹರಿದು ಬಂದಿದೆ ಎಂದು `ಎಸ್‌ಎಐಎಲ್' ಪ್ರಕಟಣೆ ತಿಳಿಸಿದೆ.



ಆಧುನೀಕರಣ ಮತ್ತು ವಹಿವಾಟು ವಿಸ್ತರಣೆ ಉದ್ದೇಶದಿಂದ `ಎಸ್‌ಎಐಎಲ್' ಪ್ರಸಕ್ತ ವರ್ಷ ರೂ.72 ಸಾವಿರ ಕೋಟಿ ಹೂಡಿಕೆ ಮಾಡಿದೆ. ನಮಗೆ ಪ್ರತಿ ವರ್ಷ ಬೇಕಿರುವುದು ಸರಾಸರಿ 600 ಎಂಜಿನಿಯರಿಂಗ್ ಪದವೀಧರರು ಮಾತ್ರ ಎಂದು ಕಂಪೆನಿ ಸ್ಪಷ್ಟಪಡಿಸಿದೆ.



ಲಿಖಿತ ಪರೀಕ್ಷೆ, ಗುಂಪು ಚರ್ಚೆ ಮತ್ತು ಸಂದರ್ಶನ ಮೂಲಕ ನೇಮಕಾತಿ ನಡೆಯಲಿದೆ. ದೇಶದ 29 ನಗರಗಳಲ್ಲಿ ನಡೆಯಲಿರುವ ಪರೀಕ್ಷೆಗೆ 7,500 ಮೇಲ್ವಿಚಾರಕರನ್ನು ನಿಯೋಜಿಸಲಾಗಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry