ವೆಲ್ಲಿಂಗ್ಟನ್(ಎಪಿ): ಆಳವಿಲ್ಲದ ಸಮುದ್ರ ತೀರದೆಡೆಗೆ ಸಾಮೂಹಿಕವಾಗಿ ಧಾವಿಸಿದ ನಂತರ ಮರಳಿನಲ್ಲಿ ಸಿಲುಕಿ ಏಳು ತಿಮಿಂಗಿಲಗಳು ಸಾವಿಗೀಡಾಗಿರುವ ಘಟನೆ ನ್ಯೂಜಿಲೆಂಡ್‌ನಲ್ಲಿ ಸಂಭವಿಸಿದೆ. ಸೌಥ್ ಐಲ್ಯಾಂಡ್‌ನ ವಾಯವ್ಯಕ್ಕಿರುವ ಫೇರ್‌ವೆಲ್ ಟಿಫ್ ಎಂಬಲ್ಲಿ ಈ ಘಟನೆ ನಡೆದಿದೆ.
ತಿಮಿಂಗಿಲಗಳಿಗೆ ಅಪಾಯಕಾರಿಯಾದ ಈ ಪ್ರದೇಶದಲ್ಲಿ ಒಟ್ಟು 25 ತಿಮಿಂಗಿಲಗಳು ಸಿಲುಕಿದ್ದವು. ಆ ಪೈಕಿ ಉಳಿದ 18 ತಿಮಿಂಗಿಲಗಳನ್ನು ಪುನಃ ಆಳ ಸಮುದ್ರದೆಡೆಗೆ ಈಜುವಂತೆ ಮಾಡಲಾಗಿದ್ದು,ಅವೆಲ್ಲವೂ ಅಪಾಯದಿಂದ ಪಾರಾಗಿವೆ ಎಂದು ಅಧಿಕಾರಿ ತಿಳಿಸಿದ್ದಾರೆ.
