ಬಾಗಲಕೋಟೆ: ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯು 2014ನೇ ಸಾಲಿಗೆ ಅಂಗವಿಕಲರಿಗೆ ರಿಯಾಯಿತಿ ದರದ ಬಸ್ ಪಾಸ್ ಅನ್ನು ನವೀಕರಿಸಲು ಫೆಬ್ರುವರಿ 28 ವರೆಗೆ ಅವಕಾಶ ಕಲ್ಪಿಸಲಾಗಿದೆ. 2013ರಲ್ಲಿ ಪಡೆದ ಪಾಸುಗಳನ್ನು ನವೀಕರಿಸಿಕೊಳ್ಳುವ ಕೊನೆಯ ದಿನ ಫೆಬ್ರವರಿ 28ರ ವರೆಗೂ ಬಳಸಲು ಅವಕಾಶ ನೀಡಲಾಗಿದೆ ಎಂದು ವಿಭಾಗೀಯ ನಿಯಂತ್ರಣಾಧಿಕಾರಿ ತಿಳಿಸಿದ್ದಾರೆ.
ಪ್ರತಿ ತಾಲ್ಲೂಕಿನ ಹತ್ತಿರದ ಬಸ್ ಘಟಕಗಳಲ್ಲಿ ನವೀಕರಣದ ಶುಲ್ಕ ₨ 660 ಮತ್ತು ಹಳೆಯ ಪಾಸ್ ಅನ್ನು ಹಿಂದಿರುಗಿಸಿ ಉದ್ಯೋಗದ ವಿವರ ಮತ್ತು ಇತ್ತೀಚಿನ ಎರಡು ಭಾವಚಿತ್ರ ನೀಡಿ ಪಾಸ್ ನವೀಕರಿಸಿಕೊಳ್ಳಬಹುದು. ಹೊಸದಾಗಿ 2014ನೇ ಸಾಲಿಗೆ ಅಂಗವಿಕಲರು ರಿಯಾಯಿತಿ ದರದ ಬಸ್ ಪಾಸ್ ಪಡೆದುಕೊಳ್ಳಲು ಅಂಗವಿಕಲರ ಗುರುತಿನ ಚೀಟಿ, ಆದಾಯ ಪ್ರಮಾಣ ಪತ್ರ, ಜಿಲ್ಲಾ ಶಸ್ತ್ರ ಚಿಕಿತ್ಸಕರಿಂದ ಪಡೆದ ವೈದ್ಯಕೀಯ ಪ್ರಮಾಣ ಪತ್ರ, ರಹವಾಸಿ ಪ್ರಮಾಣ ಪತ್ರ, ಇತ್ತೀಚಿನ 3 ಭಾವಚಿತ್ರಗಳು, ಪಾಸ್ ಶುಲ್ಕ ₨ 660 ಅನ್ನು ಪ್ರತಿ ಶುಕ್ರವಾರ ಮತ್ತು ಮಂಗಳವಾರ ಸಂಸ್ಥೆಯ ವಿಭಾಗೀಯ ಕಚೇರಿ, ನವನಗರ, ಬಾಗಲಕೋಟೆಯಲ್ಲಿ ಸಲ್ಲಿಸಿ ಪಡೆಯಬಹುದಾಗಿದೆ.