ಅಂಟಾರ್ಕ್ಟಿಕಾ: ಹಡಗು ರಕ್ಷಣೆ

ಮಂಜುಗಡ್ಡೆಯನ್ನು ಭೇದಿಸುವ ಅಮೆರಿಕದ ನೌಕೆಯ ನೇತೃತ್ವದಲ್ಲಿ ನಡೆದ ಅತ್ಯಂತ ಸಂಕೀರ್ಣ ಅಂತರರಾಷ್ಟ್ರೀಯ ಕಾರ್ಯಾಚರಣೆಯು ಯಶಸ್ವಿಯಾಗಿ ರಷ್ಯಾದ ಹಡಗನ್ನು ಸಂಕಷ್ಟದಿಂದ ಪಾರು ಮಾಡಿದೆ.

ವಿವಿಧ ರಾಷ್ಟ್ರಗಳ ೨೨ ವಿಜ್ಞಾನಿಗಳು, ೨೦ ವಿಜ್ಞಾನ ಸಹಾಯಕರು ಸೇರಿದಂತೆ ಒಟ್ಟು ೭೪ ಜನರು ರಷ್ಯಾದ ‘ಅಕಾಡೆಮಿಕ್‌ ಶೋಕಾಲ್‌ಸ್ಕಿ’ ಹಡಗಿನಲ್ಲಿ ಕಳೆದ ಡಿಸೆಂಬರ್‌ 8ರಂದು ಅಂಟಾರ್ಕ್ಟಿಕಾ ಖಂಡ­ಕ್ಕೆ   ವಿಶೇಷ ವಿಜ್ಞಾನ­ಯಾತ್ರೆ ಕೈಗೊಂಡಿದ್ದರು. ಆದರೆ, ತೀವ್ರ ಹಿಮ ಮಾರುತದಿಂದಾಗಿ ಮಂಜುಗಡ್ಡೆಗಳಿಂದ ಹೆಪ್ಪುಗಟ್ಟಿದ ಸಮುದ್ರದಲ್ಲಿ ಈ ಹಡಗು ಸಿಲುಕಿಕೊಂಡಿತ್ತು.