ಕನ್ನಡದಲ್ಲಿ ವಿಜ್ಞಾನ ಪತ್ರಿಕೆಗಳ ಕೊರತೆಯಿದೆ. ಇರುವ ಪತ್ರಿಕೆಗಳೂ ಅಷ್ಟು ಸಮರ್ಪಕವಾಗಿ ಮೂಡಿಬರುತ್ತಿಲ್ಲ. ತಕ್ಕಮಟ್ಟಿಗೆ ಚೆನ್ನಾಗಿರುವ ಪತ್ರಿಕೆಗಳು ಎಲ್ಲೂ ಸಿಗುವುದಿಲ್ಲ - ಇವೆಲ್ಲ ಆಗಿಂದಾಗ್ಗೆ ಕೇಳಿಬರುವ ಅಭಿಪ್ರಾಯಗಳು.
ಈ ಅಭಿಪ್ರಾಯಗಳನ್ನು ಕೊಂಚಮಟ್ಟಿಗಾದರೂ ಬದಲಿಸುವ ಉದ್ದೇಶದಿಂದ ಇ-ಜ್ಞಾನ ಡಾಟ್ ಕಾಮ್ (www.ejnana.com)) ಇದೀಗ ಹೊಸತೊಂದು ಸಾಹಸಕ್ಕೆ ಕೈಹಾಕಿದೆ.
ಕನ್ನಡದ ಹಿರಿಯ ವಿಜ್ಞಾನ ಲೇಖಕರ ಮಾರ್ಗದರ್ಶನದಲ್ಲಿ ರೂಪಗೊಳ್ಳುತ್ತಿರುವ ಅನಿಯತಕಾಲಿಕ ವಿಜ್ಞಾನ ಪತ್ರಿಕೆ ಇದು. ಈ ಪತ್ರಿಕೆಗೆ ಕನ್ನಡ ವಿಜ್ಞಾನ ಬರಹಗಾರರ ಅಂತರಜಾಲ ಬಳಗ `ಪೆನ್-ಸರ್ಕಲ್~ನ ಬೆಂಬಲ ಕೂಡ ಇದೆ.
ವಿದ್ಯುನ್ಮಾನ ರೂಪದಲ್ಲಷ್ಟೆ ಲಭ್ಯವಾಗಲಿರುವ ಈ ಪತ್ರಿಕೆಯನ್ನು www.ejnana.com ತಾಣದಲ್ಲಿ ಉಚಿತವಾಗಿ ಓದಬಹುದು. ಪತ್ರಿಕೆಯ ಮೊದಲ ಸಂಚಿಕೆ ಪರಿಸರ ಸಂಚಿಕೆ~ಯಾಗಿ ಮೂಡಿಬಂದಿದೆ. ವಿಶ್ವ ಪರಿಸರ ದಿನದಿಂದ `ಇ-ಜ್ಞಾನ~ ಅಂತರ್ಜಾದಲ್ಲಿ ಲಭ್ಯವಿದೆ.