ವಾಷಿಂಗ್ಟನ್ (ಐಎಎನ್ಎಸ್): ಅಮೆರಿಕ ಅಧ್ಯಕ್ಷ ಗಾದಿಗೆ ನಡೆದ `ಅಣಕು ಚುನಾವಣೆ~ ಫಲಿತಾಂಶದಲ್ಲಿ ಬರಾಕ್ ಒಬಾಮ ಮರು ಆಯ್ಕೆಯಾಗಿದ್ದಾರೆ. ಮಕ್ಕಳ ಪುಸ್ತಕ ಮತ್ತು ನಿಯತಕಾಲಿಕೆ ಪ್ರಕಾಶನ ಸಂಸ್ಥೆಯೊಂದು ನಡೆಸಿರುವ ಈ ಅಣಕು `ಚುನಾವಣೆ~ಯಲ್ಲಿ ವಿದ್ಯಾರ್ಥಿಗಳು ಮತ ಚಲಾಯಿಸಿದ್ದಾರೆ.
ಡೆಮಾಕ್ರಟಿಕ್ ಅಭ್ಯರ್ಥಿ ಬರಾಕ್ ಒಬಾಮ ಶೇ 51ರಷ್ಟು ಮತ, ರಿಪಬ್ಲಿಕನ್ ಪಕ್ಷದ ಮಿಟ್ ರೋಮ್ನಿ ಶೇ 45ರಷ್ಟು ಮತ ಪಡೆದಿದ್ದಾರೆ.
18 ವರ್ಷದೊಳಗಿನ ಸುಮಾರು 25 ಸಾವಿರ ವಿದ್ಯಾರ್ಥಿಗಳು ಮತದಾನ ಪ್ರಕ್ರಿಯೆಯಲ್ಲಿ ಪಾಲ್ಗೊಂಡಿದ್ದರು. ಶಾಲೆಗಳಿಗೆ ಸಂಬಂಧಪಟ್ಟ ಈ `ಅಣಕು ಚುನಾವಣೆ~ಯನ್ನು 1940ರಿಂದ ನಡೆಸಲಾಗುತ್ತಿದೆ.
ಮುಂದುವರಿದ ವಾಗ್ದಾಳಿ: ಎರಡನೇ ಸುತ್ತಿನ ಚರ್ಚೆ ಮುಗಿದ ನಂತರವೂ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಹಾಗೂ ಅಧ್ಯಕ್ಷ ಬರಾಕ್ ಒಬಾಮ ಮತ್ತು ಅವರ ಎದುರಾಳಿ ರಿಪಬ್ಲಿಕ್ ಪಕ್ಷದ ಮಿಟ್ ರೋಮ್ನಿ ಪರಸ್ಪರ ವಾಗ್ದಾಳಿಯನ್ನು ಮುಂದುವರಿಸಿದ್ದಾರೆ.