‘ಹಿಂದಿನ ಸಿನಿಮಾಗಳು, ಅವುಗಳ ಹಾಡುಗಳು ಎಲ್ಲ ಉತ್ತಮವಾಗಿದ್ದುವು. ಈಗ ಅವನತಿ ಕಾಣುತ್ತಿರುವುದೇಕೆ?’ ಎಂದು ಪ್ರಶ್ನಿಸಿದರೆ, ಸಂಬಂಧಪಟ್ಟವರು ಉತ್ತರಿಸುತ್ತಾರೆ: ‘ಅವನತಿಯೇನಿಲ್ಲ. ಈಗ ಜನ ಬಯಸಿದ್ದನ್ನು ನಾವು ಕೊಡುತ್ತೇವಷ್ಟೆ!’ (ಪ್ರ.ವಾ. ಒಂದು ಸಂದರ್ಶನದಲ್ಲಿ). ಸಾಹಿತ್ಯ ವಿಮರ್ಶೆಯೆಂದರೆ, ‘correction of taste’ (ಅಭಿರುಚಿ ಶುದ್ಧೀಕರಣ) ಎನ್ನುತ್ತಾನೆ, ಟಿ.ಎಸ್. ಎಲಿಯಟ್.
ಎಲ್ಲ ಕ್ಷೇತ್ರಗಳಲ್ಲೂ ಈಗಿನ ಪ್ರವೃತ್ತಿಯೆಂದರೆ, ಅಭಿರುಚಿಯ ‘ಕರೆಕ್ಷನ್’ ಅಲ್ಲ, ‘ಕರಪ್ಷನ್’ (corruption), ಅರ್ಥಾತ್ ಭ್ರಷ್ಟತೆ! ‘ಕಾಲಾಯ ತಸ್ಮೈ ನಮಃ’.
