ಕೆಜಿಎಫ್: ಬಿಜೆಪಿ ಬಂಡಾಯ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಲು ತೆರಳುತ್ತಿದ್ದ ನಾಗರಾಜ್ ಅವರಿಗೆ ಅಪರಿಚಿತ ಮಹಿಳೆಯೊಬ್ಬರು ಬಹಿರಂಗವಾಗಿ ಕಪಾಳ ಮೋಕ್ಷ ಮಾಡಿದ ಘಟನೆ ಬುಧವಾರ ನಡೆದಿದೆ.
ನಗರಸಭೆಯಲ್ಲಿದ್ದ ಚುನಾವಣಾಧಿಕಾರಿ ಕಚೇರಿಗೆ ತಮ್ಮ ಬೆಂಬಲಿಗರೊಂದಿಗೆ ಮೆರವಣಿಗೆಯಲ್ಲಿ ಬಂದ ನಾಗರಾಜ್ ನಗರಸಭೆ ಮುಂಭಾಗದಲ್ಲಿ ನಿಂತಿದ್ದಾಗ ಈ ಘಟನೆ ನಡೆಯಿತು. ಅಭ್ಯರ್ಥಿ ಮುಂದೆ ಬಂದ ಮಧ್ಯ ವಯಸ್ಸಿನ ಮಹಿಳೆಯೊಬ್ಬರು, `ಬಿಜೆಪಿ ಟಿಕೆಟ್ ಸಿಗದೆ ಇದ್ದರೂ ಯಾಕೆ ಸ್ಪರ್ಧಿಸುತ್ತಿದ್ದೀಯಾ?' ಎಂದು ಪ್ರಶ್ನಿಸಿದರು.
ಆಕೆಯ ಮಾತನ್ನು ಸ್ಪಷ್ಟವಾಗಿ ಕೇಳಿಸಿಕೊಳ್ಳಲೆಂದು ನಾಗರಾಜ್ ತಲೆಯನ್ನು ಕೊಂಚ ಮುಂದೆ ಬಾಗಿಸಿದ ಕೂಡಲೆ ಆ ಮಹಿಳೆ ಛಟೀರನೇ ಕಪಾಳಕ್ಕೆ ಹೊಡೆದರು.ಸಾವಿರಾರು ಜನರ ಸಮ್ಮುಖದಲ್ಲಿ ನಡೆದ ಘಟನೆಯಿಂದ ನಾಗರಾಜ್ ಒಂದು ಕ್ಷಣ ವಿಚಲಿತರಾದರು.