ಬೆಂಗಳೂರು: ದೇಶದ ಎರಡನೆಯ ಅತಿ ದೊಡ್ಡ ಐ.ಟಿ ಸೇವಾ ಸಂಸ್ಥೆ `ವಿಪ್ರೊ~ ಅತಿ ತೆಳ್ಳನೆಯ ಅಲ್ಟ್ರಾಬುಕ್ `ಇ-ಗೊ ಏರೊ~ವನ್ನು ಮಂಗಳವಾರ ಇಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.
14 ಇಂಚಿನ ದೃಶ್ಯ ಪರದೆ ವಿಭಾಗದಲ್ಲಿ ಇದು ದೇಶದಲ್ಲಿಯೇ ಅತಿ ತೆಳ್ಳನೆಯ ಅಲ್ಟ್ರಾಬುಕ್ ಆಗಿದೆ. `ಇ-ಗೊ ಏರೊ~ ಮೂರು ಮಾದರಿಗಳಲ್ಲಿ ಲಭ್ಯವಿದ್ದು, ್ಙ 39 ಸಾವಿರದಿಂದ ್ಙ 49 ಸಾವಿರದವರೆಗೆ ದರ ನಿಗದಿಪಡಿಸಲಾಗಿದೆ. ಇಂಟೆಲ್ ಐ-5 ಪ್ರೊಸೆಸರ್, 4ಜಿಬಿ ರ್ಯಾಮ್, 500 ಜಿಬಿ ಹಾರ್ಡ್ ಡಿಸ್ಕ್, ವಿಂಡೋಸ್ 7 ಸೇರಿದಂತೆ ಹೊಸ ತಲೆಮಾರಿನ ತಂತ್ರಜ್ಞಾನ ವಿಶೇಷತೆಗಳು ಇದರಲ್ಲಿವೆ.
`ಇ-ಗೊ ಏರೊ ಅಲ್ಟ್ರಾಬುಕ್ 19.3 ಮಿಲಿಮೀಟರ್ನಷ್ಟು ತೆಳ್ಳಗಿದ್ದು, 1.7 ಕೆ.ಜಿಯಷ್ಟು ಭಾರಹೊಂದಿದೆ. ಇನ್ನೆರಡು ಮಾದರಿಗಳಾದ `ಏರೊ ಆಲ್ಫಾ~ ಮತ್ತು `ಏರೊ ಬುಕ್~ 1.4 ಕೆ.ಜಿ ತೂಗುತ್ತವೆ ಎಂದು ಸುದ್ದಿಗೋಷ್ಠಿಯಲ್ಲಿ ವಿಪ್ರೊ ಸಿಸ್ಟಂ ಸ್ಸ್ನ ಮಾರುಕಟ್ಟೆ ಮುಖ್ಯಸ್ಥ ಅಶೋಕ್ ತ್ರಿಪಾಠಿ ತಿಳಿಸಿದರು.