ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಅವಶೇಷ ಪತ್ತೆ

Last Updated 1 ಏಪ್ರಿಲ್ 2013, 19:59 IST
ಅಕ್ಷರ ಗಾತ್ರ

ವಾಷಿಂಗ್ಟನ್ (ಪಿಟಿಐ): ಇಟಲಿಯ ಪುರಾತತ್ವಜ್ಞರು ಟರ್ಕಿಯಲ್ಲಿ `ಪುರಾತನ ಗುಹೆ'ಯ ಅವಶೇಷ ಪತ್ತೆಮಾಡಿದ್ದಾರೆ. `ನರಕದ ಬಾಗಿಲು'ಎಂದು ನಂಬಲಾಗಿರುವ ಈ ಗುಹೆಯಿಂದ ಅಪಾಯಕಾರಿ ಇಂಗಾಲದ ಹೊಗೆ ಹೊರಸೂಸುತ್ತಿದೆ. ಈ ಗುಹೆಯನ್ನು `ಪ್ಲುಟೋ ಗೇಟ್' ಎಂದೂ ಕರೆಯಲಾಗಿದೆ.

`ಫ್ರೈಜಿಯನ್ ಸಂಸ್ಕೃತಿಯ ಹಿರಾಪೊಲಿಸ್ ನಗರದ (ಇಂದಿನ ಪಮುಕ್ಕಲೆ) ಸಮೀಪ ಈ ಅವಶೇಷ ಪತ್ತೆಯಾಗಿದೆ' ಎಂದು `ಡಿಸ್ಕವರಿ ನ್ಯೂಸ್' ವರದಿ ಮಾಡಿದೆ.
ಈ ಗುಹೆಯ ತುಂಬ ದಟ್ಟವಾದ ಕೆಟ್ಟ ಹೊಗೆ ತುಂಬಿದ್ದು, ಯಾವುದೇ ಪ್ರಾಣಿ ಒಳಹೊಕ್ಕರೆ ಸಾವು ನಿಶ್ಚಿತ ಎಂದು ಗ್ರೀಕ್‌ನ ಭೂವಿಜ್ಞಾನಿ ಸ್ಟ್ರಾಬೋ, ಕ್ರಿ.ಪೂ.64-63ರಲ್ಲೇ ಬರೆದಿದ್ದರು.

`ಗುಹೆಯೊಳಗೆ ಗುಬ್ಬಚ್ಚಿಗಳನ್ನು ಎಸೆದಾಗ ಅವು ಕ್ಷಣಮಾತ್ರದಲ್ಲಿ ಸಾವನ್ನಪ್ಪಿದವು' ಎಂದೂ ಅವರು ಉಲ್ಲೇಖಿಸಿದ್ದರು. ಪುರಾತನ ಕಾಲದ ಈ ಗುಹಾವಶೇಷವನ್ನು ಸಲೆಂಟೋ ವಿಶ್ವವಿದ್ಯಾಲಯದ ಪ್ರೊ. ಫ್ರಾನ್ಸಿಸ್ಕೋ ಡಿ'ಆಂಡ್ರಿಯಾ ನೇತೃತ್ವದ ವಿಜ್ಞಾನಿಗಳ ತಂಡ ಪತ್ತೆ ಹಚ್ಚಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT