ಮಧುಸೂದನ್ ನಿರ್ಮಿಸಿ ಸಂಗೀತ ನೀಡಿರುವ ‘ಆ ಮರ್ಮ’ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ‘ಯು/ಎ’ ಪ್ರಮಾಣಪತ್ರ ನೀಡಿದೆ. ಮದನ್ ನಿರ್ದೇಶಿಸಿರುವ ಈ ಚಿತ್ರಕ್ಕೆ ಛಾಯಾಗ್ರಹಣ ಕಲ್ಯಾಣ ಸಮಿ, ಸಾಹಸ: ಥ್ರಿಲ್ಲರ್ ಮಂಜು, ಕಲೆ: ರೇವಣ್ಣ, ನೃತ್ಯ: ತಾರಾಪ್ರಸಾದ್, ನಿರ್ವಹಣೆ: ಗಂಗಾಧರ್.
ತಾರಾಗಣದಲ್ಲಿ ಸಾಯಿಕುಮಾರ್, ಜಾಕಿ ಶ್ರಾಫ್, ಥ್ರಿಲ್ಲರ್ ಮಂಜು, ರಾಮರೆಡ್ಡಿ, ದಂಡಪಾಣಿ, ಸತ್ಯಪ್ರಕಾಶ್, ಅಚ್ಯುತ್ ಕುಮಾರ್, ಪದ್ಮಜಾ ರಾವ್, ನಳಿನಿ ರಾಮ್ ಕಿರಣ್, ಅರ್ಚನಾ, ರಾಧಿಕಾ ರೈ, ಸುನೀಲ್, ಜಗದೀಶ್ ಮುಂತಾದವರು ಅಭಿನಯಿಸಿದ್ದಾರೆ.
ಆಸ್ಪತ್ರೇಲಿ ‘ತೂಫಾನ್’: ಎಚ್. ಜಡೇಗೌಡ ನಿರ್ಮಿಸುತ್ತಿರುವ ‘ತೂಫಾನ್’ ಚಿತ್ರಕ್ಕೆ ನೆಲಮಂಗಲ ರಸ್ತೆಯಲ್ಲಿರುವ ಆಸ್ಪತ್ರೆಯೊಂದರಲ್ಲಿ ಯಶಸ್, ನಕ್ಷತ್ರ, ಚಂದನ್ ಅಭಿನಯಿಸಿದ್ದ ದೃಶ್ಯಗಳನ್ನು ಸೆರೆಹಿಡಿಯಲಾಯಿತು. ಈ ಚಿತ್ರದ ಕಥೆ, ಚಿತ್ರಕಥೆ, ಸಂಭಾಷಣೆ, ಸಾಹಿತ್ಯ, ನಿರ್ದೇಶನ ಸ್ಮೈಲ್ ಸೀನು ಅವರದ್ದು. ಛಾಯಾಗ್ರಹಣ: ರವಿ ಸುವರ್ಣ, ಸಂಗೀತ: ಎಲ್ವಿನ್ ಜೋಶ್ವಾ, ಸಂಕಲನ: ಪಿ.ಆರ್. ಸೌಂದರರಾಜ್, ಕಲೆ: ರಮೇಶ್ ದೇಸಾಯಿ, ನೃತ್ಯ: ಹರ್ಷ.
ತಾರಾಗಣದಲ್ಲಿ ಯಶಸ್, ನಕ್ಷತ್ರ, ಚಂದನ್, ರಮೇಶ್ ಭಟ್, ಶಿವರಾಮಣ್ಣ, ಮಂಗಳೂರು ಸುರೇಶ್, ದೇವದಾಸ್ ಕಾಪಿಕಾಡ್, ಪ್ರಮೀಳಾ ಜೋಷಾಯ್, ಚಿತ್ರಾಶೆಣೈ, ವಿದ್ಯಾಮೂರ್ತಿ ಹಾಗೂ ಸಾಧು ಕೋಕಿಲ ಅಭಿನಯಿಸಿದ್ದಾರೆ.
ಮಂಗಳೂರಲ್ಲಿ ‘ಹಾಯ್’: ರಾಘವೇಂದ್ರ ಕಠಾರೆ, ಸಿ.ರಾಜೇಶ್, ಪವಿತ್ರಾ ಶ್ರಿನಿವಾಸ್, ಮಹೇಂದ್ರಕರ್ ಕೂಡಿ ನಿರ್ಮಿಸುತ್ತಿರುವ ‘ಹಾಯ್’ ಚಿತ್ರೀಕರಣ ಚಿಕ್ಕಮಗಳೂರಿನಲ್ಲಿ ಸತತವಾಗಿ ಸಾಗುತ್ತಿದೆ. ಸಾಧುಕೋಕಿಲ, ಯಶ್ರಾಜ್ ಅಭಿನಯಿಸಿದ ಹಲವು ಹಾಸ್ಯ ಸನ್ನಿವೇಶಗಳ ಚಿತ್ರೀಕರಣ ಪೂರೈಸಿಲಾಗಿದೆ. ಈ ಚಿತ್ರದ ಕಥೆ, ಚಿತ್ರಕಥೆ, ನಿರ್ದೇಶನದ ಜಿ.ಎನ್.ರುದ್ರೇಶ್. ಸಂಗೀತ: ಜೆಸ್ಸಿ ಗಿಫ್ಟ್, ಛಾಯಾಗ್ರಹಣ: ಸತೀಶ್ ರಾಕ್ಲೈನ್, ಸಾಹಿತ್ಯ: ನಾಗೇಂದ್ರ ಪ್ರಸಾದ್, ಸಂಭಾಷಣೆ: ಮಳವಳ್ಳಿ ಸಾಯಿಕೃಷ್ಣ, ಸಂಕಲನ: ಕೆ.ಎನ್.ಪ್ರಕಾಶ್, ನೃತ್ಯ: ರಾಮು, ಸಾಹಸ: ಮಾಸ್ಮಾದ, ಸಹ ನಿರ್ದೇಶನ: ಜಿ.ಸುರೇಶ್, ನಿರ್ವಹಣೆ: ರಾಜು ಸೋಮಶೇಖರ್.
ತಾರಾಗಣದಲ್ಲಿ: ಯಶ್ರಾಜ್, ಸಾನಿಯಾ, ಜೈಜಗದೀಶ್, ವಿಜಯಕಾಶಿ, ಸಂಗೀತ, ಸಾಧುಕೋಕಿಲ, ಕಿಲ್ಲರ್ ವೆಂಕಟೇಶ್, ದಡಿಯಾ ಗಿರಿ, ಮಿತ್ರ, ವಿಶ್ವಾಸ್, ಶ್ರಿಕಾಂತ್ ಹೊನ್ನವಳ್ಳಿ, ಶ್ರಿಗೌರಿ ಮೊದಲಾದವರು ಚಿತ್ರದಲ್ಲಿ ನಟಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.