ಆಟಗಳು

1
ನೀನೊಂದು ಕೈ ಸನ್ನೆ
ಎಸೆದರೆ ಸಾಕು
ಮರದ ಮೇಲೆ ಫಲಗಳು
ತೂಗುವವು.

ಇಷ್ಟಕ್ಕೂ, ಸ್ವಪ್ನಕ್ಕೆ ಸ್ವಪ್ನವೆಂದಲ್ಲದೆ
ಬೇರೆ ಹೆಸರ ಹುಡುಕಲು
ನನಗೆ ಏಕಿಂಥ ಜರೂರು?

2
ಕೈ ಕೈ ಹಿಡಿದು ಕೋಟೆ ಕಟ್ಟಿ
ಹುಲಿ ದನ ಆಟ ಆಡಿದ್ದೆ
ಬಾಲ್ಯದಲ್ಲಿ ಆದರೆ ನನಗಿಷ್ಟವಾದದ್ದು
ಲಗೋರಿಯು.

ಆ ಆಟಕ್ಕೊಂದು ನೋಟ ಬೇಕು
ಕಲ್ಲಿಗೆ ಬಾಣದ ಕೆಲಸ ಕೊಟ್ಟು
ಕೆಡವಿದೆನು ಗೋಪುರ ಮತ್ತೆ ಮತ್ತೆ ಕಟ್ಟಲು.

3
ಇಟ್ಟ ಜೋಡಿದ ಮಂಚದಲ್ಲಿ
ಇಡದ ಜೋಡದ ದೇಹಗಳು
ಸ್ವಪ್ನದಲ್ಲೋ ಎರಡು ದೇಹಗಳು
ನೀರಿನಂತೆ ಬೆರೆಯುವವು.

ಮನದ ಆಟಕ್ಕೆ ನಮ್ಮದೇ ಯೋಚನೆ
ಪುಟಿವ ಒಂದು ಚೆಂಡು
ಹೆಚ್ಚಾಗಿ ಗುರಿ ತಪ್ಪುವುದಾದರೂ
ಒಮ್ಮಮ್ಮೆ ತಾಗುವುದು.

4
ಆಟ ಒಂದು
ಹಕ್ಕಿಯ ಕೊಕ್ಕು ಮುಂದು.
ಆಟ ಎರಡು
ಅರಳಿ ಮುದ್ದೆಯಾದ ಕೆಂಪು ದಾಸವಾಳ
ಆಟ ಮೂರು
ತೊಟ್ಟು ಮುರಿದು ಸಣ್ಣ ನೋವು.

5
ಕೇಳುತ್ತೇನೆ ನಾನು
ಅದು ಹೇಗೆ ಸೂರ್ಯನ ಸ್ಪರ್ಶಕ್ಕೆ ಹೂವು ಅರಳುತ್ತದೆ?
ಮೈಯ ಬಿಸುಪಿಗೆ ಮೊಟ್ಟೆ?
ಕಾವು ನಿನ್ನಯ
ಎರಡು ಕೈಗಳು!