ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಆತಂಕ ಎಬ್ಬಿಸಿದ ಸುನಾಮಿ

ಜಪಾನ್‌ನಲ್ಲಿ ಪ್ರಬಲ ಭೂಕಂಪನ
Last Updated 7 ಡಿಸೆಂಬರ್ 2012, 22:00 IST
ಅಕ್ಷರ ಗಾತ್ರ

ಟೋಕಿಯೊ (ಪಿಟಿಐ): ಜಪಾನ್‌ನ ಈಶಾನ್ಯ ಸಮುದ್ರದಲ್ಲಿ ಶುಕ್ರವಾರ ಸಂಭವಿಸಿದ ಪ್ರಬಲ ಭೂಕಂಪನದಿಂದಾಗಿ ಅಲ್ಲಿನ ಕರಾವಳಿ ತೀರದಲ್ಲಿ 1 ಮೀಟರ್ ಎತ್ತರದ ಸುನಾಮಿ ಅಲೆಗಳು ಎದ್ದು ಆತಂಕ ಉಂಟಾಯಿತು.ಇದರಿಂದಾಗಿ ಯಾವುದೇ ಸಾವು ನೋವು, ನಷ್ಟವಾದ ವರದಿಯಾಗಿಲ್ಲ.ರಿಕ್ಟರ್ ಮಾಪಕದಲ್ಲಿ 7.3ರಷ್ಟು ತೀವ್ರತೆಯ ಭೂಕಂಪನದಿಂದಾಗಿ ಟೋಕಿಯೊ ಸೇರಿದಂತೆ ಹಲವೆಡೆ ಕಟ್ಟಡಗಳು ನಡುಗಿದವು. ಸಾವಿರಾರು ಜನ ಮನೆಗಳನ್ನು ತೊರೆದು ಹೊರ ಓಡಿದರು.

ಮಿಯಾಗಿಯಿಂದ 240 ಕಿ.ಮೀ ದೂರದ ಪೆಸಿಫಿಕ್ ಸಾಗರದಲ್ಲಿ,  ಸಾಗರದ 10 ಕಿ.ಮೀ. ಆಳದಲ್ಲಿ  ಈ ಭೂಕಂಪನದ ಕೇಂದ್ರ ಬಿಂದು ಇತ್ತು ಎಂದು ಜಪಾನಿನ ಹವಾಮಾನ ಸಂಸ್ಥೆ ತಿಳಿಸಿದೆ.

ಸ್ಥಳೀಯ ಕಾಲಮಾನ ಸಂಜೆ 5.18ಕ್ಕೆ ಭೂಕಂಪನ ಸಂಭವಿಸಿತು. ನಂತರ ಮಿಯಾಗಿಯ ಇಶಿನೋಮಕಿಯಲ್ಲಿ ಸಂಜೆ 6.02ಕ್ಕೆ ಸುನಾಮಿ ಅಲೆಗಳು ಕಂಡುಬಂದವು. ಇವಾಟೆ, ಅಒಮೊರಿ, ಇಬರಾಕಿ ಮತ್ತು ತೊಚಿಗಿ ಪ್ರಾಂತ್ಯಗಳಲ್ಲೂ ಭೂಕಂಪನದ ಅನುಭವವಾಯಿತು. ಸೆಂಡೈ, ಇವಾನುಮ, ಇಶಿನೋಮಕಿಗಳಲ್ಲಿ ಜನರನ್ನು ಮನೆಗಳಿಂದ ಸ್ಥಳಾಂತರಿಸಲಾಯಿತು.

ಜಪಾನ್ ಹವಾಮಾನ ಸಂಸ್ಥೆಯು ಪೆಸಿಫಿಕ್ ದಂಡೆಯುದ್ದಕ್ಕೂ ಅನ್ವಯವಾಗುವಂತೆ ಸುನಾಮಿ ಎಚ್ಚರಿಕೆ ಪ್ರಕಟಿಸಿತ್ತು. ಹೋದ ವರ್ಷ ಇಲ್ಲಿ ಇದೇ ರೀತಿ ಪ್ರಬಲ ಭೂಕಂಪನದಿಂದಾಗಿ ರಕ್ಕಸ ಸುನಾಮಿ ಅಲೆಗಳು ಎದ್ದು 20,000ಕ್ಕೂ ಜನ ಸಾವಿಗೀಡಾಗಿದ್ದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT