ಕಾಬೂಲ್ (ಐಎಎನ್ಎಸ್): ಬಸ್ಸೊಂದು ಘಟ್ಟ ಪ್ರದೇಶದಲ್ಲಿ ಮುಗುಚಿಬಿದ್ದ ಪರಿಣಾಮ 35 ಪ್ರಯಾಣಿಕರು ಮೃತಪಟ್ಟು, ಇತರ 27 ಮಂದಿ ಗಾಯಗೊಂಡ ಘಟನೆ ಆಘ್ಘಾನಿಸ್ತಾನದ ದಕ್ಷಿಣ ಭಾಗದಲ್ಲಿ ಶನಿವಾರ ಸಂಭವಿಸಿದೆ.
ಕಂದಹಾರ್ ಪ್ರಾಂತ್ಯದ ಘಟ್ಟ ಪ್ರದೇಶದಲ್ಲಿ ಬಸ್ ಚಲಿಸುತ್ತಿದ್ದಾಗ ಚಾಲಕನ ನಿಯಂತ್ರಣ ತಪ್ಪಿ, ಹಲವು ಬಾರಿ ಪಲ್ಟಿ ಹೊಡೆಯಿತು. `ರಸ್ತೆ ತುಂಬಾ ಹಾಳಾಗಿರುವುದೇ ಅಪಘಾತಕ್ಕೆ ಕಾರಣ~ ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಗಾಯಾಳುಗಳನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ತಿಳಿಸಿರುವ ಕಂದಹಾರ್ ಪ್ರಾಂತ್ಯದ ಸರ್ಕಾರಿ ವಕ್ತಾರ ಜಲಮೈ ಅಯುಬಿ, `ಅಜಾಗರೂಕತೆಯ ಚಾಲನೆಯೇ ಅಪಘಾತಕ್ಕೆ ಕಾರಣ~ ಎಂದೂ ಹೇಳಿದ್ದಾರೆ.