ಕಾಬೂಲ್ (ಡಿಪಿಎ): ರಸ್ತೆ ಬದಿ ಸಂಭವಿಸಿದ ಬಾಂಬ್ ಸ್ಫೋಟಕ್ಕೆ ಮಕ್ಕಳು ಮತ್ತು ಮಹಿಳೆಯರೂ ಸೇರಿದಂತೆ ಒಟ್ಟು 9 ಮಂದಿ ನಾಗರೀಕರು ಬಲಿಯಾದ ಘಟನೆ ಪೂರ್ವ ಆಫ್ಘಾನಿಸ್ತಾನದಲ್ಲಿ ಶನಿವಾರ ನಡೆದಿದೆ.
ಖೊಸ್ಟ್ ಪ್ರಾಂತ್ಯದಲ್ಲಿರುವ ಕುಗ್ರಾಮ ಲಕಾನ್‌ನಲ್ಲಿ ಸಂಭವಿಸಿದ ಈ ಸ್ಫೋಟದಲ್ಲಿ ನಾಲ್ಕು ಮಕ್ಕಳು,ಮೂವರು ಪುರುಷರು ಮತ್ತು ಇಬ್ಬರೂ ಮಹಿಳೆಯರು ಮೃತಪಟ್ಟಿದ್ದಾರೆ. ವಾರದ ಹಿಂದೆ ಇದೇ ಪ್ರಾಂತ್ಯದಲ್ಲಿ ನಡೆದ ಮಾನವ ಹತ್ಯಾ ಬಾಂಬ್ ಸ್ಫೋಟದಲ್ಲಿ ಒಬ್ಬ ಪೊಲೀಸ್ ಮತ್ತು 7 ಮಂದಿ ನಾಗರೀಕರು ಹತರಾಗಿದ್ದರು.
ದೇಶದಾದ್ಯಂತ ವಿದೇಶಿ ಸೈನಿಕರ ಮತ್ತು ತಾಲಿಬಾನ್ ಉಗ್ರರ ಚಟುವಟಿಕೆಗಳು ಹೆಚ್ಚಿದ್ದರಿಂದ ಹಿಂಸಾಕೃತ್ಯಗಳು ಪದೇಪದೇ ನಡೆಯತೊಡಗಿವೆ.
