ಕೋಲ್ಕತ್ತ (ಪಿಟಿಐ): ಆರ್ಚರಿಗಳ ಒತ್ತಾಸೆಗೆ ಮಣಿದಿರುವ ಭಾರತ ಆರ್ಚರಿ ಸಂಸ್ಥೆ ರಾಷ್ಟ್ರೀಯ ಶಿಬಿರವನ್ನು ಪುಣೆಯಿಂದ ಮಹಾರಾಷ್ಟ್ರದ ಔರಂಗಾಬಾದ್‌ಗೆ ಸ್ಥಳಾಂತರ ಮಾಡಿದೆ.
`ಇದೇ ವರ್ಷದ ಅಕ್ಟೋಬರ್‌ನಲ್ಲಿ ವಿಶ್ವ ಆರ್ಚರಿ ಚಾಂಪಿಯನ್‌ಷಿಪ್ ನಡೆಯಲಿರುವ ಹಿನ್ನೆಲೆಯಲ್ಲಿ ಈ ಶಿಬಿರ ಆಯೋಜನೆಯಾಗಿದೆ. ಈಗ ಔರಂಗಬಾದ್‌ಗೆ ಸ್ಥಳಾಂತರಿಸಲಾಗಿದೆ' ಎಂದು ಆರ್ಚರಿ ಸಂಸ್ಥೆಯ ಸಹಾಯಕ ಕಾರ್ಯದರ್ಶಿ ಗುಂಜನ್ ಅಬ್ರೊಲ್ ತಿಳಿಸಿದ್ದಾರೆ.
ಪುಣೆಯ ಆರ್ಮಿ ಸ್ಪೋರ್ಟ್ಸ್ ಇನ್‌ಸ್ಟಿಟ್ಯೂಟ್‌ನಲ್ಲಿ ನಡೆಯುತ್ತಿದ್ದ ಶಿಬಿರದ ವೇಳೆ ಲೈಂಗಿಕ ದೌರ್ಜನ್ಯ ಆರೋಪ ಕೇಳಿಬಂದಿತ್ತು.
