ಮುಂಬೈ (ಪಿಟಿಐ): ಭಾರತೀಯ ರಿಸರ್ವ್ ಬ್ಯಾಂಕ್ನ ನೂತನ ಗವರ್ನರ್ ರಘುರಾಂ ಜಿ.ರಾಜನ್ ತಮ್ಮ ಮೊದಲ ತ್ರೈಮಾಸಿಕ ಹಣಕಾಸು ನೀತಿ ಪರಾಮರ್ಶೆಯಲ್ಲಿಯೇ ಎಲ್ಲರ ನಿರೀಕ್ಷೆಗಳನ್ನೂ ಹುಸಿಗೊಳಿಸಿದ್ದಾರೆ.
‘ರೆಪೊ’ ಬಡ್ಡಿದರವನ್ನು ಶೇ 0.25 ರಷ್ಟು ಏರಿಸುವ ಮೂಲಕ ಬ್ಯಾಂಕಿಂಗ್ ಕ್ಷೇತ್ರ, ಉದ್ಯಮ ವಲಯ, ಮುಖ್ಯವಾಗಿ ರಿಯಲ್ ಎಸ್ಟೇಟ್ ಕ್ಷೇತ್ರಕ್ಕೆ ಭಾರಿ ಆಘಾತವನ್ನೇ ನೀಡಿದ್ದಾರೆ.
ಸಾಲ ತುಟ್ಟಿ ಸಾಧ್ಯತೆ: 2 ವರ್ಷಗಳ ನಂತರ ಮೊದಲ ಬಾರಿಗೆ ‘ಆರ್ಬಿಐ’ ಅಲ್ಪಾವಧಿ ಬಡ್ಡಿದರ ಏರಿಕೆ ಮಾಡಿದೆ. ಇದರಿಂದ ‘ರೆಪೊ’ ದರ (ಬ್ಯಾಂಕ್ಗಳಿಗೆ ಆರ್ಬಿಐ ನೀಡುವ ಸಾಲದ ಬಡ್ಡಿದರ) ಶೇ 7.50ಕ್ಕೆ ಜಿಗಿ ದಿದ್ದು, ಗೃಹ ಮತ್ತು ವಾಹನ ಸಾಲ ಹಾಗೂ ಕಾರ್ಪೊರೇಟ್ ಸಾಲಗಳ ಬಡ್ಡಿ ದರ ಹೆಚ್ಚಲಿದೆ. ಈಗಾಗಲೇ ಸಾಲ ಪಡೆದು ಮರುಪಾವತಿ ಮಾಡುತ್ತಿರುವವರ ‘ಇಎಂಐ’ ಕಂತು ಗಳೂ ಹೆಚ್ಚುವ ಸಂಭವವಿದೆ. ‘ರೆಪೊ’ ಬಡ್ಡಿದರ ಏರಿಕೆ ಕ್ರಮ ಶನಿವಾರ ದಿಂದಲೇ ಜಾರಿಗೆ ಬರಲಿದೆ.
‘ಎಂಎಸ್ಎಫ್’ ಕಡಿತ: ಇದೇ ವೇಳೆ ‘ಆರ್ಬಿಐ’ ಮಾರ್ಜಿನಲ್ ಸ್ಟ್ಯಾಂಡಿಂಗ್ ಫೆಸಿಲಿಟಿ(ಎಂಎಸ್ಎಫ್) ದರವನ್ನು ಶೇ 0.75ರಷ್ಟು ಕಡಿತ ಮಾಡಿ ಶೇ 9.5ಕ್ಕೆ ತಗ್ಗಿಸಿದೆ. ಜತೆಗೆ ಬ್ಯಾಂಕುಗಳ ನಗದು ಮೀಸಲು ಅನುಪಾತವನ್ನೂ (ಸಿಆರ್ ಆರ್) ಶೇ 99ರಿಂದ ಶೇ 95ಕ್ಕೆ ಇಳಿಸಿದೆ.
ಹಣದುಬ್ಬರ ದರ ಹಿತಕರ ಮಟ್ಟಕ್ಕೆ ತಗ್ಗದಿರುವುದೇ ಬಡ್ಡಿದರ ಏರಿಕೆಗೆ ಪ್ರಮುಖ ಕಾರಣ ಎಂದಿರುವ ರಾಜನ್, ‘ರೆಪೊ ದರ ಏರಿಕೆ ಪರಿಣಾಮ ಸಮತೋಲನ ಮಾಡಲು ‘ಎಂಎಸ್ಎಫ್’ ಕಡಿತ ಮಾಡಲಾಗಿದೆ. ಇದರಿಂದ ಬ್ಯಾಂಕ್ಗಳು ಬಡ್ಡಿದರ ಹೆಚ್ಚಿಸುವ ಸಾಧ್ಯತೆ ಕಡಿಮೆ’ ಎಂದು
ಪ್ರತಿಕ್ರಿಯಿಸಿದ್ದಾರೆ.