ಮೆಲ್ಬರ್ನ್ (ಪಿಟಿಐ): ಎಪ್ಪತ್ತು ದಿನಗಳಲ್ಲಿ ಏಕಾಂಗಿಯಾಗಿ ವಿಮಾನದಲ್ಲಿ ಜಗತ್ತನ್ನು ಸುತ್ತುವ ಮೂಲಕ ಆಸ್ಟ್ರೇಲಿಯಾದ 19 ವರ್ಷದ ಯುವಕನೊಬ್ಬ ವಿಶ್ವದಾಖಲೆ ಸೃಷ್ಟಿಸಿದ್ದಾನೆ.
ರ‌್ಯಾನ್ ಕ್ಯಾಂಬೆಲ್ ಎಂಬ ಈ ಪೈಲಟ್, ಒಂದು ಎಂಜಿನ್ ಹೊಂದಿರುವ ವಿಮಾನದಲ್ಲಿ ಜಗತ್ತನ್ನು ಯಶಸ್ವಿಯಾಗಿ ಸುತ್ತಿದ್ದಾನೆ. ದಕ್ಷಿಣ ನ್ಯೂ ಸೌತ್ ವೇಲ್ಸ್‌ನ ವೊಲ್ಲೊಂಗಾಂಗ್‌ನಿಂದ ಜೂನ್ 30ರಂದು ತನ್ನ ವಿಶ್ವಪರ್ಯಟನೆ ಆರಂಭಿಸಿದ್ದ ರ‌್ಯಾನ್, 14 ವಿವಿಧ ರಾಷ್ಟ್ರಗಳ ಆಗಸದಲ್ಲಿ 200 ಗಂಟೆಗಳ ಕಾಲ ಹಾರಾಟ ನಡೆಸಿ ಶನಿವಾರ ವೊಲ್ಲೊಂಗಾಂಗ್‌ನಲ್ಲಿ ಬಂದಿಳಿದ್ದಾನೆ.
