ಇಟಾನಗರ (ಪಿಟಿಐ): ಅರುಣಾಚಲ ಪ್ರದೇಶದ ಅಂಜಾವ್ ಜಿಲ್ಲೆಯ ಮಾಲೇಗಾಂವ್ ಗ್ರಾಮದ ಮತಗಟ್ಟೆಯೊಂದರಲ್ಲಿ ಕೇವಲ ಇಬ್ಬರು ಮತದಾರರಿದ್ದು, ಬುಧವಾರ ನಡೆದ ಚುನಾವಣೆಯಲ್ಲಿ ಶೇ 100ರಷ್ಟು ಮತದಾನ ದಾಖಲಾಗಿದೆ.
ಇದು ಚೀನಾ ಗಡಿಗೆ ಹತ್ತಿರವಿದ್ದು, ರಾಜ್ಯದ ಅತಿ ಚಿಕ್ಕ ಮತಗಟ್ಟೆ. ಜೊಹೆಲಮ್ ತಯೆಂಗ್ ಹಾಗೂ ಅವರ ಪತ್ನಿ ಸೊಕೆಲಾ ತಯೆಂಗ್ ಇಬ್ಬರೂ ಮತ ಚಲಾಯಿಸಿದ್ದಾರೆ.
‘ಮತದಾನಕ್ಕೆ ಯಾವುದೇ ಅಡ್ಡಿ ಉಂಟಾಗಬಾರದು ಎಂಬ ದೃಷ್ಟಿಯಿಂದ ಭದ್ರತಾ ಸಿಬ್ಬಂದಿ ಹಾಗೂ ಚುನಾವಣಾಧಿಕಾರಿಗಳು ಸೇರಿ ಒಟ್ಟು ಹತ್ತು ಅಧಿಕಾರಿಗಳನ್ನು ನಿಯೋಜಿಸಲಾಗಿತ್ತು’ ಎಂದು ಮುಖ್ಯ ಚುನಾವಣಾಧಿಕಾರಿ ಚಂದ್ರಭೂಷಣ್ ಕುಮಾರ್ ಅವರು ತಿಳಿಸಿದರು.