‘ಹೆಣ್ಣು ಮಗುವಿಗೆ ಜನ್ಮ ನೀಡಿದರು ಎಂಬ ಕಾರಣಕ್ಕೆ ಈ ವರ್ಷ ಪಾಕಿಸ್ತಾನದಲ್ಲಿ 56 ಮಹಿಳೆಯರನ್ನು ಹತ್ಯೆ ಮಾಡಲಾಗಿದೆ!’ (ಪ್ರ.ವಾ. ನ.29). ನಾವು ಯಾವ ಶತಮಾನದಲ್ಲಿ ಬದುಕುತ್ತಿದ್ದೇವೆ? ‘ಶಿಶುವಿನ ಲಿಂಗ ನಿರ್ಧಾರದಲ್ಲಿ ತಾಯಿಯ ಪಾತ್ರ ಎಳ್ಳಷ್ಟೂ ಇಲ್ಲ’ ಎಂದು ವೈದ್ಯಕೀಯ ವಿಜ್ಞಾನ ಸಾರಿ ಸಾರಿ ಹೇಳಿಲ್ಲವೇ?
ಈ ಕೃತ್ಯ ಎಸಗುವವರು ಮನುಷ್ಯರೋ ಅಥವಾ ರಾಕ್ಷಸರೋ? ಇಂತಹ ಮನೋಭಾವದ ಕ್ರಿಮಿಗಳು ವಾಸಿಸುವ ಸಮಕಾಲದಲ್ಲಿ ಇತರೆ ದೇಶವಾಸಿಗಳು, ಸ್ವತಃ ಅಲ್ಲಿನ ಜನತೆ ನೆಮ್ಮದಿಯಿಂದಿರಲು ಸಾಧ್ಯವೇ? ವಿಶ್ವಸಂಸ್ಥೆಯಾಗಲೀ, ಜಾಗತಿಕ ನಾಯಕರಾಗಲೀ, ಇತರೆ ನಾಗರಿಕ ಪ್ರಪಂಚವಾಗಲೀ ಏನು ಮಾಡುತ್ತಿದೆ?
