ಆದರೆ ಉತ್ತಮ ಆರಂಭದ ಪೂರ್ಣ ಲಾಭ ಪಡೆಯುವಲ್ಲಿ ವಾಟ್ಸನ್ ವಿಫಲರಾದರು. ನಂತರ ಬಂದ ಉಸ್ಮಾನ್ ಖವಾಜಾ ಕೂಡ ಎಡವಟ್ಟು ಮಾಡಿಕೊಂಡರು. ಈ ಹಂತದಲ್ಲಿ ಜೊತೆಗೂಡಿದ ರೋಜರ್ಸ್‌(84; 114 ಎ, 14 ಬೌಂ.) ಹಾಗೂ ಕ್ಲಾರ್ಕ್ ಜೊತೆಯಾಟವೂ ಹೆಚ್ಚು ಹೊತ್ತ ಬಾಳಲಿಲ್ಲ. ಆದರೆ ಕ್ಲಾರ್ಕ್ ಹಾಗೂ ಸ್ಮಿತ್ ಯಾವುದೇ ಅಪಾಯಕ್ಕೆ ಆಸ್ಪದ ನೀಡಲಿಲ್ಲ. ಇವರಿಬ್ಬರು ಮುರಿಯದ ನಾಲ್ಕನೇ ವಿಕೆಟ್ ಜೊತೆಯಾಟದಲ್ಲಿ ಈಗಾಗಲೇ 140 ರನ್ ಸೇರಿಸಿದ್ದಾರೆ. ಕ್ಲಾರ್ಕ್ (ಬ್ಯಾಟಿಂಗ್ 111; 183ಎ, 15 ಬೌಂ.) ಪಾಲಿಗೆ ಇದು 24ನೇ ಶತಕ. ಅವರಿಗೆ ಸ್ಮಿತ್ ಉತ್ತಮ ಬೆಂಬಲ ನೀಡಿದರು.
ಸಂಕ್ಷಿಪ್ತ ಸ್ಕೋರ್: ಆಸ್ಟ್ರೇಲಿಯಾ: ಮೊದಲ ಇನಿಂಗ್ಸ್ 80 ಓವರ್‌ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 269 (ಶೇನ್ ವಾಟ್ಸನ್ 19, ಕ್ರಿಸ್ ರೋಜರ್ಸ್‌ 84, ಮೈಕಲ್ ಕ್ಲಾರ್ಕ್ ಬ್ಯಾಟಿಂಗ್ 111, ಸ್ಟೀವನ್ ಸ್ಮಿತ್ ಬ್ಯಾಟಿಂಗ್ 50; ಟಿಮ್ ಬ್ರೆಸ್ನನ್ 48ಕ್ಕೆ1, ಗ್ರೇಮ್ ಸ್ವಾನ್ 79ಕ್ಕೆ2).
